ఎన్బీకే 108 నటసింహం నందమూరి బాలకృష్ణ `అఖండ` వంటి బ్లాక్ బస్టర్ హిట్ అనంతరం `క్రాక్` డైరెక్టర్ గోపీచంద్ మలినేనితో తన తదుపరి చిత్రాన్ని చేయబోతున్నట్లు అనౌన్స్ చేశాడు. `ఎన్బీకే 107` వర్కింగ్ టైటిల్తో శరవేగంగా షూటింగ్ జరుపుకుంటున్న ఈ చిత్రం దసరా లేదా క్రిస్మస్ కు విడుదల అయ్యే అవకాశాలు ఉన్నాయి.
ఈ మూవీ చిత్రీకరణ ఇంకా పూర్తి అవ్వకముందే.. బాలయ్య తన 108వ చిత్రాన్ని సక్సెస్ ఫుల్ డైరెక్టర్ అనిల్ రావిపూడితో చేయనున్నట్లు ప్రకటించారు. `ఎఫ్ 3` హిట్ తర్వాత అనిల్ రావిపూడి చేస్తున్న చిత్రమిది. అయితే తాజాగా ఈ మూవీ నుండి బాలయ్య ఫ్యాన్స్ను ఫుల్ ఖుషీ చేసే నయా అప్డేట్ బయటకు వచ్చింది.
ఇప్పటి వరకు బాలయ్య హీరో, ఆయన కూతురిగా శ్రీలీల, దర్శకుడిగా అనిల్ రావిపూడి.. ఈ వివరాలు మాత్రమే తెలుసు. ఈ చిత్రాన్ని ఎవరు నిర్మిస్తారనే విషయం పై స్పష్టత ఇవ్వలేదు. అయితే తాజా ప్రకటనతో అన్ని విషయాలపై అనిల్ రావిపూడి ఫుల్ క్లారిటీ ఇచ్చారు. `ఎన్బీకే 108` వర్కింగ్ టైటిల్తో తెరకెక్కబోయే ఈ చిత్రాన్ని షైన్ స్క్రీన్స్ బ్యానర్ పై సాహు గారపాటి మరియు హరీష్ పెద్ది భారీ బడ్జెట్ తో నిర్మించనున్నారు.
మ్యూజిక్ సెన్సేషన్ తమన్ సంగీతం అందించబోతున్నాడు. అలాగే ఇందులో బాలకృష్ణ ను ఇంతకుముందెన్నడూ చూడని పాత్రలో చూడబోతున్నట్లు తెలిపారు. ఈ మేరకు ఓ వీడియోను వదిలారు. ఇక అతి త్వరలో షూటింగ్ ను ప్రారంభించి.. వచ్చే ఏడాది ఆరంభంలో సినిమాను ప్రేక్షకుల ముందుకు తీసుకు రావడానికి సన్నాహాలు చేస్తున్నారట.
Here's the Massive Announcement of #NBK108 🦁
The Collision of 3 Gigantic Forces 🔥
God Of Masses #NandamuriBalakrishna,
Hit Machine @AnilRavipudi & Musical Sensation @MusicThaman under @Shine_Screens banner!Bankrolled by @sahugarapati7 @harish_peddi❤️🔥#NbkLikeNeverBefore pic.twitter.com/9itihAo3Ox
— Eluru Sreenu (@IamEluruSreenu) August 11, 2022