టాలీవుడ్ యంగ్ హీరో సుధీర్ బాబు, కృతి శెట్టి జంటగా నటించిన చిత్రం తాజా చిత్రం `ఆ అమ్మాయి గురించి మీకు చెప్పాలి`. ఇంద్రగంటి మోహన కృష్ణ దర్శకత్వం వహించిన ఈ చిత్రాన్ని బెంచ్మార్క్ స్టూడియోస్ బ్యానర్పై బి.మహేంద్ర బాబు, కిరణ్ బల్లంపల్లి నిర్మించారు.
వెన్నెల కిషోర్, అవసరాల శ్రీనివాస్, రాహుల్ రామకృష్ణ, శ్రీకాంత్ అయ్యంగార్, కల్యాణి నటరాజన్ తదితరులు ఇందులో కీలక పాత్రలను పోషించారు. ఎప్పుడో షూటింగ్ కంప్లీట్ చేసుకున్న ఈ చిత్రం సెప్టెంబర్ 16న ప్రేక్షకుల ముందుకు రాబోతోంది. ఈ నేపథ్యంలోనే మేకర్స్ తాజాగా సినిమా ట్రైలర్ ను బయటకు వదిలారు.
టాలీవుడ్ ప్రిన్స్ మహేశ్ బాబు చేతుల మీదగా `ఆ అమ్మాయి గురించి మీకు చెప్పాలి` ట్రైలర్ విడుదలైంది. యాక్టర్ అవ్వాలనుకునే ఓ డాక్టర్ స్టోరీనే ఈ సినిమా కథ అని ట్రైలర్ బట్టీ అర్థం అవుతోంది. ఇందులో ఫిల్మ్ డైరెక్టర్గా సుధీర్ బాబు కనిపించబోతున్నాడు. అలాగే కృతి శెట్టి సినిమాలన్నా, సినిమా వాళ్లన్నా అసహ్యించేకునే డాక్టర్ ఫ్యామిలీకి చెందిన అమ్మాయి.
ఆ అమ్మాయితోనే హీరో సినిమా చేయాలని డిసైడ్ అవుతాడు. ఆ తర్వాత ఏం జరిగింది..? హీరో, హీరోయిన్లకు ఎలాంటి పరిస్థితులు ఎదురయ్యాయి..? అన్నదే సినిమా. ట్రైలర్ స్టార్టింగ్ నుంచి ఎండింగ్ వరకు ఆధ్యంతం ఆకట్టుకుంది. విజువల్స్, బ్యాక్ గ్రౌండ్ స్కోర్ కూడా బాగున్నాయి. ఈ సినిమాలో కృతి శెట్టి పాత్ర బలంగా ఉండబోతోందని ట్రైలర్ ద్వారా తెలిసిపోయింది. మొత్తానికి ట్రైలర్ తో సినిమాపై మరిన్ని అంచనాలను క్రియేట్ చేశారు. మరి ఆ అంచనాలను ఈ మూవీ అందుకుంటుందో..లేదో.. చూడాలి.