న్యాచురల్ స్టార్ నాని ప్రస్తుతం `దసరా` అనే సినిమా చేస్తున్న సంగతి తెలిసిందే. శ్రీకాంత్ ఓదెల దర్శకత్వం వహిస్తున్న ఈ చిత్రాన్ని శ్రీ లక్ష్మీ వెంకటేశ్వర సినిమాస్ బ్యానర్పై పాన్ ఇండియా స్థాయిలో సుధాకర్ చెరుకూరి నిర్మిస్తున్నారు. ఇందులో కీర్తి సురేష్ హీరోయిన్గా నటిస్తోంది.
తెలుగు రాష్ట్రంలోని సింగరేణి బొగ్గు గనుల బ్యాక్డ్రాప్లో మాస్ యాక్షన్ ఎంటర్ టైనర్ గా ఈ సినిమాను రూపొందిస్తున్నారు. ఇందులో నాని కెరీర్లోనే తొలిసారి పూర్తిస్థాయి మాస్ పాత్రలో కనిపించబోతున్నారు. అయితే దసరా పండుగ కానుకగా ఈ సినిమా ఫస్ట్ సింగిల్ `ధూమ్ దామ్ దోస్తాన్`ను అక్టోబర్ 3న రిలీజ్ చేయబోతున్నట్లు చిత్ర యూనిట్ ప్రకటించింది.
అయితే అంతకంటే ముందే డైరెక్టర్ పై కోపంతో నాని తన సినిమా వీడియోను తానే లీక్ చేసేశాడు. `డైరెక్టర్ శ్రీకాంత్ ఓదెల దసరా పండుగ సందర్భంగా ఎలాంటి ప్రోమో విడుదల చేయడం లేదని చెప్పారు. అందుకే నేను షూటింగ్ టైం లో నా మొబైల్ లో రికార్డు చేసిన వీడియో లీక్ చేస్తున్నాను. రేపటి నుండి దుమ్ము లేచిపోద్ది` అంటూ ట్విట్టర్ వేదికగా ఓ వీడియోను పోస్ట్ చేశారు.
ఈ వీడియోలో నాని మాస్ అవతార్లో దుమ్ము లేపుతూ అదిరిపోయే స్టెప్పులు వేశారు. ప్రస్తుతం ఈ వీడియో నెట్టింట వైరల్గా మారింది. కాగా, శరవేగంగా షూటింగ్ కంప్లీట్ చేసుకున్న ఈ చిత్రం వచ్చే ఏడాది మార్చి 30న తెలుగుతో పాటు తమిళ, కన్నడ, మలయాళ, హిందీ భాషల్లో విడుదల కానుంది.
Since @odela_srikanth says no promo. Leaking something I recorded in my phone while we filmed the song 🙂
రేపటి సంది దుమ్ము లేశిపోద్ది pic.twitter.com/OQeevCqdD1
— Nani (@NameisNani) October 2, 2022
https://newsorbit.com/entertainment-news/nani-give-back-his-remuneration-for-his-dasara-movie.html
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!