అందాల తార రాశి ఖన్నా గురించి పరిచయాలు అవసరం లేదు. `ఊహలు గుసగుసలాడే`తో హీరోయిన్గా తెలుగు ప్రేక్షకులను పలకరించిన ఈ ముద్దుగుమ్మ.. తొలి సినిమాతో ఆకట్టుకునే అందం, అద్భుతమైన నటనతో అందరి మనసులతో దోచేసింది. ఆ తర్వాత వరుస అవకాశాలను అందించుకున్న రాశి ఖన్నా.. గత కొంత కాలం నుండీ వరుస ఫ్లాపుతో తీవ్రంగా సతమతం అవుతుంది.
ఈమె నుండి చివరిగా వచ్చిన శ్రీనివాస కళ్యాణం, ప్రతిరోజూ పండగే, వెంకీ మామ, వరల్డ్ ఫేమస్ లవర్ చిత్రాలు అంతగా ఆకట్టుకోలేకపోయాయి. మొన్నీమధ్యే `పక్కా కమర్షియల్`తో పలకరించింది. టాలీవుడ్ మ్యాచో హీరో గోపీచంద్, మారుతి కాంబోలో రూపుదిద్దుకున్న ఈ చిత్రం సైతం మిక్స్డ్ రివ్యూలు దక్కించుకుంది.
ఇకపోతే త్వరలోనే రాశీ ఖన్నా `థ్యాంక్యూ`తో అలరించేందుకు సిద్ధం అవుతోంది. అక్కినేని నాగచైతన్య హీరోగా, విక్రమ్ కె కుమార్ దర్శకత్వంలో రూపుదిద్దుకున్న యూత్ఫుల్ ఎంటర్టైనర్ చిత్రమిది. ఇందులో రాశి ఖన్నాతో పాటు మాళవిక నాయర్, అవికాగోర్ హీరోయిన్స్గా నటించారు. జూలై 22న ఈ మూవీ రిలీజ్ కాబోతుండగా.. మేకర్స్ జోరుగా ప్రచార కార్యక్రమాలను నిర్వహిస్తున్నారు.
ఇందులో భాగంగానే తాజాగా రాశి ఖన్నా చైతుతో కలిసి ఓ ఇంటర్వ్యూలో పాల్గొంది. ఈ ఇంటర్వ్యూలో డేటింగ్ గురించి ప్రస్తావన రాగా.. రాశి ఓ సీక్రెట్ను బయట పెట్టింది. తాను హీరోయిన్ కాకముందు ఐఏఎస్ ఆఫీసర్ కావాలని అనుకున్నానని, స్కూల్లో తాను టాపర్ అని, బాగా చదువుతానని తెలిపింది. కానీ డేట్కి మాత్రం ఓ డాక్టర్తో వెళ్లాలనుకుంటున్నట్టు పేర్కొంది. దీంతో నాగచైతన్య వెంటనే స్పందిస్తూ.. `డాక్టర్లందరూ ఇది వింటున్నారా? ఇక హాస్పటల్లో వర్క్ చేయడం మానేసి రాశీ ఇంటి బయట అందరూ వెయిట్ చేస్తారు` అంటూ ఫన్నీగా రిప్లై ఇచ్చాడు. దీంతో రాశి సీక్రెట్, చైతు రిప్లై రెండు వైరల్గా మారాయి.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!