Prabhas Akashpuri: ఆకాష్ పూరి కొత్త సినిమా “చోర్ బజార్”. త్వరలో ఈ సినిమా విడుదల కానున్న సంగతి తెలిసిందే. జార్జి రెడ్డి ఫిలిం డైరెక్టర్ జీవన్ రెడ్డి ఈ సినిమాకి దర్శకుడు. గేహనా సిప్పీ ఈ సినిమాలో హీరోయిన్ గా నటిస్తుంది. ఐవి ప్రొడక్షన్ బ్యానర్ పై నిర్మాత విఎస్ రాజు నిర్మిస్తున్నారు. ఇప్పటికే షూటింగ్ కంప్లీట్ చేసుకున్న ఈ సినిమా ఈనెల 24 వ తారీకు థియేటర్ లో విడుదల కానుంది. లవ్ అండ్ కమర్షియల్ యాక్షన్ ఎంటర్టైనర్ గా తెరకెక్కిన “చోర్ బజార్” ప్రమోషన్ కార్యక్రమాలు శరవేగంగా జరుగుతున్నాయి. ఈ క్రమంలో హీరో ఆకాష్ పూరి ప్రమోషన్ కార్యక్రమాలలో పాల్గొంటూ వరుసపెట్టి ఇంటర్వ్యూలు ఇస్తున్నాడు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
అయితే ఇస్తున్న ఇంటర్వ్యూలలో ఆకాష్ పూరి నోరుజారి.. ప్రభాస్ నటిస్తున్న “ఆది పురుష్” గురించి ఒక విషయాన్ని తెలియజేశారు. తన సినిమా ట్రైలర్ లాంచ్ కార్యక్రమం రోజు పాన్ ఇండియా సూపర్ స్టార్ అయ్యి ఉండి….ప్రభాస్ ఇంటికి వెళ్లడం జరిగింది. ఒక డే మొత్తం మాకు ఇచ్చేశారు. దాదాపు ఆ రోజు రెండు ఇంటర్వ్యూలు ఆయనతో చేయడం జరిగింది అని ఆకాష్ తెలిపారు. ఆ తర్వాత “చోర్ బజార్” సినిమా యూనిట్ మొత్తానికి ఫుడ్ ప్రభాస్ గారే పెట్టారు మధ్యలో “ఆది పురుష్” విజువల్స్ చూపించారు అని ఆకాష్ టంగ్ స్లిప్ అయ్యాడు.
దీంతో ఇంటర్వ్యూ చేసే యాంకర్ “ఆది పురుష్” విజువల్స్ ఎలా ఉన్నాయి అని ప్రశ్నించగా చెప్పకూడదు అనుకునే.. ఆకాష్ పూరి మాట్లాడుతూ… ఖచ్చితంగా విజువల్ వండర్ “ఆది పురుష్” సినిమా.. ఒక్కో సీన్ అదిరిపోయింది అంటూ అక్కడి వరకే చెప్పి ఇంకా పెద్దగా మాట్లాడలేదు. దీంతో ఆకాష్ పూరి “ఆది పురుష్” గురించి చేసిన కామెంట్స్ సోషల్ మీడియాలో వైరల్ అవుతున్నయి. “ఆది పురుష్” పాన్ ఇండియా నేపథ్యంలో తెరకెక్కుతున్న చిత్రం. బాలీవుడ్ డైరెక్టర్ ఓమ్ రౌత్ దర్శకత్వంలో తెరకెక్కుతోంది. ప్రభాస్ రాముడి పాత్రలో కనిపిస్తుండగా.. సైఫ్ అలీ ఖాన్ రావణాసుడు క్యారెక్టర్ చేస్తున్నారు. విజువల్ వండర్ గా తెరకెక్కుతున్న ఈ సినిమా వచ్చే ఏడాది విడుదల కానుంది.
