అక్కినేని వంటి బడా ఫ్యామిలీ నుండి వచ్చిన హీరోల్లో అఖిల్ అక్కినేని ఒకడు. కెరీర్ స్టార్టింగ్లో హ్యాట్రిక్ ఫ్లాప్స్ను మూటగట్టుకున్న ఈయన `మోస్ట్ ఎలిజిబుల్ బ్యాచ్లర్` వంటి ఫీల్ గుడ్ ఎంటర్టైనర్తో సక్సెస్ ట్రాక్ ఎక్కాడు. ఈ మూవీ అనంతరం అఖిల్ నుండి రాబోతున్న చిత్రం `ఏజెంట్`. స్టైలిష్ డైరెక్టర్ సురేందర్ రెడ్డి ఈ మూవీని తెరకెక్కిస్తున్నాడు.
ఇందులో సాక్షి వైద్య హీరోయిన్గా నటిస్తుంటే.. మలయాళ స్టార్ మమ్ముట్టి కీలక పాత్ర పోషిస్తున్నారు. ఎ.కె.ఎంటర్టైన్మెంట్ బ్యానర్పై ప్రముఖ నిర్మాత అనీల్ సుంకర భారీ బడ్జెట్తో పాన్ ఇండియా స్థాయిలో ఈ సినిమాను నిర్మిస్తున్నారు. ఇటీవల బయటకు వచ్చిన టీజర్ సినిమాపై మంచి అంచనాలను క్రియేట్ చేసింది.
ఇకపోతే హై వోల్టేజ్ స్పై థ్రిల్లర్గా తెరకెక్కుతున్న ఈ యాక్షన్ ఎంటర్టైనర్ ఆగస్టు 12న విడుదల కావాల్సి ఉన్నా.. ఆ తేదీకి సినిమా రావడం కష్టమే. అయితే ఈ మూవీ రిలీజ్ డేట్ విషయం అఖిల్తో సహా మేకర్స్కు పెద్ద తలనొప్పిగా మారిందట. పాన్ ఇండియా చిత్రం కాబట్టి పోటీ లేకుండా సోలోగా రావాలి. పైగా సెలవులు వారాంతాలు కూడా కలిసి రావాలి.
ఈ నేపథ్యంలోనే దసరా లేదా క్రిస్మస్ కు విడుదల చేయాలని భావించారట. కానీ, దసరా రేసులో నాగార్జున `ఘోస్ట్`, చిరంజీవి `గాడ్ ఫాదర్` చిత్రాలు ఉన్నాయి. మరోవైపు క్రిస్మస్ రేసులో `అవతార్ 2`, రణవీర్ సింగ్ `సర్కస్` చిత్రాలు ఉన్నాయి. వీటికి పోటీగా దిగితే.. టాక్ ఎంత బాగున్నా కలెక్షన్స్పై ప్రభావం పడే అవకాశం ఎంతైనా ఉంది. అందుకే `ఏజెంట్` మేకర్స్ ఓ చక్కటి సోలో రిలీజ్ డేట్ కోసం అన్వేషిస్తున్నారట.
Shobha Shetty: ఆ పార్ట్స్ చూపిస్తూ రోడ్ ఎక్కిన శోభా శెట్టి.. ఘోరంగా ట్రోల్స్..!