Pawan Kalyan Ali: జనసేన అధినేత పవన్ కళ్యాణ్ కమెడియన్ ఆలీ రాజకీయాలు పక్కన పెడితే సినిమాలపరంగా వీరిద్దరిది తిరుగులేని కాంబినేషన్. కంపల్సరిగా పవన్ నటించే ప్రతి సినిమాల్లో ఆలీ ఉంటాడు. ఒక విధంగా చెప్పాలంటే పవన్ కి ఆలీ సెంటిమెంట్. ఇదే విషయాన్ని చాలా సందర్భాలలో వేదికలపై పవన్ కూడా తెలియజేశారు. ఆలీ తన పక్కన ఉంటే చాలా కన్వీనియంట్ గా ఉంటుందని చెప్పారు. కానీ ఎప్పుడైతే పవన్ రాజకీయాల్లోకి వెళ్ళటం జరిగిందో ఇంకా 2019 ఎన్నికల సమయంలో ఆలీ వైసీపీలో జాయిన్ అయ్యాడో… అప్పటినుండి వీరిద్దరి మధ్య మనస్పర్ధలు చోటుచేసుకున్నాయి.
ఎన్నికల ప్రచారంలో భాగంగా ఆలీ సొంతూరు రాజమండ్రిలో పవన్ కాస్త దురుసుగా వ్యాఖ్యానించడం అదే సమయంలో ఆలీ కౌంటర్ ఇవ్వడం.. జరిగింది. అప్పటినుండి వీరిద్దరి మధ్య కోల్డ్ వార్ ఉన్నట్లు వార్తలు వస్తూనే ఉన్నాయి. ఇక 2019 ఎన్నికల తర్వాత పవన్ నటించిన రెండు సినిమాలలో కూడా ఆలీ కనిపించలేదు. దీంతో ఇద్దరి మధ్య ఇంకా గొడవలు కొనసాగుతున్నట్లు ప్రచారం జరిగింది. ఇదిలా ఉంటే ఇటీవల ఆలీ కూతురు వివాహం హైదరాబాదులో జరిగింది. గుంటూరులో రిసెప్షన్ పెట్టారు. హైదరాబాదులో జరిగిన వివాహ కార్యక్రమానికి మెగాస్టార్ చిరంజీవి, నాగార్జున.. ఇంకా ఇండస్ట్రీకి చెందిన చాలామంది ప్రముఖులు హాజరయ్యారు. గుంటూరులో జరిగిన కార్యక్రమానికి ఆంధ్రప్రదేశ్ ముఖ్యమంత్రి వైఎస్ జగన్మోహన్ రెడ్డి మంత్రులు హాజరయ్యారు.
అయితే గుంటూరు ఇంకా హైదరాబాద్ కార్యక్రమాలలో ఎక్కడా కూడా పవన్ కళ్యాణ్ కనిపించలేదు. దీంతో ఆలీ కూతురు వేడుకకి పవన్ కళ్యాణ్ ఎందుకు హాజరు కాలేదు అనేది సోషల్ మీడియాలో పెద్ద చర్చగా జరుగుతూ ఉంది. ఈ క్రమంలో ఆలీ తన కూతురు వివాహ కార్యక్రమానికి పవన్ ఎందుకు హాజరు కాలేదో స్పందించారు. “నా కూతురు పెళ్లి వివాహ కార్యక్రమానికి పవన్ కళ్యాణ్ ని ఆహ్వానించాను. ప్రత్యేకంగా శుభలేఖ కూడా ఇవ్వటం జరిగింది. ఆయన కూడా పెళ్లికి వస్తానని మాట ఇచ్చారు. అంతేకాదు పవన్ సెక్యూరిటీ సిబ్బంది వచ్చి రూట్ మ్యాప్ కూడా చూసుకున్నారు. కానీ చివరి నిమిషంలో ఫ్లైట్ క్యాన్సిల్ కావడంతో రాలేకపోయినట్లు పవన్ కళ్యాణ్ ఫోన్ చేసి తెలియజేశారు. కానీ వధూవరులను ఇంటికి వచ్చి కలుస్తానని తెలిపారు అంటూ ఆలీ క్లారిటీ ఇచ్చారు.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!