అమల అక్కినేని.. ఈమె గురించి ప్రత్యేకమైన పరిచయాలు అవసరం లేదు. `లైఫ్ ఈజ్ బ్యూటిఫుల్` తర్వాత తెలుగు తెరపై పెద్దగా కనిపించని అమల.. రీసెంట్ గా `ఒకే ఒక జీవితం` మూవీతో ప్రేక్షకులను పలకరించింది. శర్వానంద్ హీరోగా శ్రీ కార్తీక్ దర్శకత్వంలో రూపుదిద్దుకున్న ఎమోషనల్ ఎంటర్టైనర్ ఇది.
ఇందులో రీతు వర్మ హీరోయిన్ గా నటిస్తే.. ప్రియదర్శి, వెన్నెల కిషోర్, నాజర్ తదితరులు కీలక పాత్రలు పోషించారు. అలాగే ఈ సినిమాలో శర్వానంద్‌కు త‌ల్లిగా అమల నటించింది. సెప్టెంబర్ 9న తెలుగు, తమిళ భాషల్లో విడుదలైన ఈ చిత్రం మంచి విజయం సాధించింది. ఈ సినిమాలో అమల పాత్రకు విమర్శకుల నుంచి ప్రశంసలు దక్కాయి.
అయితే తాజాగా ఓ ఇంటర్వ్యూలో పాల్గొన్న అమల.. `ఒకే ఒక జీవితం` సక్సెస్ పై ఆనందం వ్యక్తం చేశారు. ఈ క్రమంలోనే ఎన్నో ఇంట్ర‌స్టింగ్ విషయాలను సైతం పంచుకున్నారు. ఈ క్రమంలోనే `మీ భర్త నాగార్జునతో కలిసి నటించే అవకాశం వస్తే చేస్తారా..?` అనే ప్రశ్న ఆమెకు ఎదురైంది.
అందుకు అమల వెంటనే నాగార్జునతో న‌టించ‌న‌ని చెప్పేసింది. అందుకు కారణం ఏంటో కూడా ఆమె వివరించింది. `ఇంట్లో ఎప్పుడూ కలిసే ఉంటాం. మళ్ళీ స్క్రీన్‌పై వద్దండీ` అని న‌వ్వుతూ అమల చెప్పుకొచ్చారు. ఇక గత ఐదేళ్లుగా అన్నపూర్ణ ఫిల్మ్ అండ్ మీడియా తానే చూసుకుంటున్నాన‌ని, వందలమంది విద్యార్ధుల భవిష్యత్ బాధ్య‌త త‌న‌సై ఉంద‌ని అమల చెప్పుకొచ్చారు. ఆ బాధ్య‌తను పక్కన పెట్టి నటనలో బిజీగా ఉండటం కష్టమ‌ని.. అంద‌కే వ‌ర‌స‌గా సినిమాలు చేయ‌లేక‌పోతున్న‌ట్లు పేర్కొంది.
https://www.instagram.com/reel/CiQESExJe9x/?utm_source=ig_web_copy_link
