Avunu Valliddaru Ista Paddaru: ఢిల్లీ వాళ్ళ అక్క అక్కడ ఉన్నది మనోజ్ కాదని ఢిల్లీ అని తెలుసుకుంటుంది. ఇక అదే విషయాన్ని వాళ్ళ అమ్మతో చెబుతుంది.. నువ్వు ఏం మాట్లాడుతున్నావో నీకు అర్థం అవుతుందా అని వాళ్ళ అమ్మ నాలుగు చివాట్లు పెడుతుంది. లేదమ్మా ఢిల్లీ నే మనోజ్ గెటప్ లో అక్కడ కూర్చున్నాడని చెబుతుంది. నిన్నటి నుంచి మన ఇంట్లో అందర్నీ మనోజ్ లాగా మేనేజ్ చేస్తున్నాడని అంటుంది. వెంటనే ఈ విషయాన్ని నాన్నతో చెబుదామని అంటుంది కానీ దేవకి మాత్రం ఈ విషయాన్ని అప్పుడే నాన్నతో చెప్పొద్దు మనమే ఎలా ఈ పెళ్లిని ఆపేద్దాం పద అని చెబుతుంది కానీ వాళ్లు వెళ్లేసరికి ఢిల్లీ కళావతి నెత్తి మీద జీలకర్ర బెల్లం పెట్టేస్తాడు. ఇక వాళ్ళు చూస్తుండగానే తలావతి మెడలో తాళి కడతాడు.
సరిగ్గా అదే సమయానికి కారు దిగి మనోజ్ లోపలికి గబగబా వస్తాడు. కళావతి మెడలో తాళి కట్టిన ఢిల్లీని కోపంగా చూస్తూ నిలబడతాడు మనోజ్. ఏంటి ఢిల్లీ అలా చూస్తూ ఉండిపోయావు అని అంతా అనుకుంటారు. నన్ను ఎలా మోసం చేయాలని అనిపించింది అన్న నీకు అని మనోజ్ ఢిల్లీని అడుగుతాడు. కానీ తను ఏం మాట్లాడకుండా మౌనంగా ఉంటాడు. మరోవైపు కళావతి మీ అన్నయ్య మన ఇద్దరినీ చూస్తూ అంత కోపంగా ఉన్నాడు ఏంటి అని కళావతి ఓ పక్క నుంచి అడుగుతుంది.
మరోవైపు అందరూ ఢిల్లీ ఈ టైం లో గొడవ చేయడం కాదు పక్కకు వెళ్ళిపో అని అంటారు. నేను ఢిల్లీని కాదు అదే నా సమస్య. నేను ఢిల్లీని కాదు మనోజ్ ని అని పెద్దగా అరిసి చెబుతాడు మనోజ్.. దాంతో మనోజ్ లా ఉన్న ఢిల్లీని దయానంద్ కోపంతో కాలి తో తంతాడు. మండపం పై ఉన్న ప్రతి ఒక్క వస్తువుతో విసిరి కొడతాడు. ఇక అక్కడ ఉన్న వాళ్ళందరూ తలా ఒక చెయ్యి వేసి ఢిల్లీని చితకబాదుతారు.
కళావతి అన్నా మనోజ్ ని స్టేజి పైకి వచ్చి ఢిల్లీ కట్టిన తాళిని తెంపేసి మనోజ్ ని తాళి కట్టమని చెబుతాడు. అప్పుడే సీన్లోకి ఎంట్రీ అవుతారు రెడ్డప్ప. నా మేనకోడలు మెడలో తాళి కట్టిన మనోజ్ ఇప్పుడు నీ చెల్లెలు మెడలో ఎలా తాళి కడతాడు అని రెడ్డప్ప వస్తాడు. ఉదయం 9 గంటలకే మనోజ్ కి నా మేనకోడలు జ్యోతి కి పెళ్లయిందని చెబుతాడు రెడ్డప్ప. రేపటి ఎపిసోడ్ లో ఇద్దరు కోడళ్ళు కాపురానికి వస్తారు. ఒక్కొక్కరిది ఒక్కో తీరు.