Avunu Valliddaru Ista Paddaru: మనోజ్ కి దగ్గర అవ్వాలని పూజ మనోజ్ పడుకుని ఉన్న బెడ్ పై వెళ్లి పడుకొని తనని గట్టిగా హత్తుకుని పడుకుంటుంది. మనోజ్ పూజని చీదరించుకుంటాడు. బావ నాకు కింద పడుకోవడం అలవాటు లేదు. అయినా ఒకరి మీద కాలేసి పడుకోవడం నాకు అలవాటు. కాలు వేయకుండా నాకు నిద్ర పట్టదు అని పూజ అంటుంది. మనోజ్ కి చిరాగ్గా అనిపించి వెంటనే ఫోన్ లో పాటలు పెట్టుకుని వింటా ఉంటాడు.
దేవకి జయరాం దగ్గరికి వెళ్లి కాఫీ ఇస్తుంది . నువ్వు తీసుకొచ్చావా నా కొత్త కోడలు తీసుకొచ్చి ఇస్తుందేమోనని ఎక్స్పెక్ట్ చేశాను అని అనగానే.. అబ్బో ఇలాంటి ఆశలు కూడా ఉన్నాయా అని దేవకి దెప్పి పొడుస్తూ మాట్లాడుతుంది. కొత్త కోడలు కదా ఆ మాత్రం ఎక్స్పెక్ట్ చేయొచ్చులే అని అంటాడు. మీరు ఎక్స్పెక్ట్ చేసినంత ఏమీ జరగదు నా కొడుకు ఆ పిల్ల మాయలో పడడు అని దేవకి కాన్ఫిడెంట్గా చెబుతుంది .నీ కొడుకు అందరి మగాళ్ళలా కాకపోయినా కూడా ఒక మగాడే నన్ను సంగతి గుర్తుంచుకో అని జయరాం గుర్తు చేస్తాడు.
పూజ మంచం ఎక్కి నిద్రపోతూ ఉండగా.. అప్పుడే బాత్రూంలో నుంచి బయటకు వచ్చినా మనోజ్ ఇప్పుడు దాకా కింద ఉంది కదా ఇంతలోనే మంచం ఎప్పుడు ఎక్కింది అని.. తన దగ్గరికి వచ్చి లేపే ప్రయత్నం చేస్తూ ఉంటాడు. పూజ దిండు అనుకుని మనోజ్ నీ దగ్గరికి లాక్కుంటుంది మనోజ్ ని గట్టిగా హత్తుకుని కదల నివ్వదు.
ఏంటి బావ నువ్వు కలలో కూడా నన్ను నిన్ను హత్తుకొనివ్వవా అని అంటుంది పూజ. నువ్వు ఇదంతా కావాలని చేస్తున్నవని నాకు తెలుసు.. హేయ్ నన్ను వదులు అని మనోజ్ ఓ పక్కన నుంచి అరుస్తూనే ఉంటాడు.. దూరంగా వెళ్లిన మనోజ్ పూజ నడుము వైపు చూస్తూ ఏంటి దేవుడా నాకు ఈ తిప్పలు నడుము అనే మాయలో నన్ను పడేస్తున్నావా అని.. తనని తాను కంట్రోల్ చేసుకునే ప్రయత్నం చేస్తాడు.
మంచం మీద నిద్రపోతున్న ఢిల్లీని చూసి మళ్లీ నేను స్నానం చేసి వచ్చేదాకా ఇక్కడే ఉంటాడు. అందుకని వీడిని ఎలాగైనా లేపాలి అని కళావతి బకెట్ నిండా నీళ్లు తీసుకువచ్చి ఢిల్లీ మొహం మీద పోస్తుంది. అప్పుడే చేతులు కాళ్లు కట్టేసి ఉండడం చూసి రాత్రి నా శీలాన్ని ఏం చేశావు అని ఢిల్లీ రివర్స్లో ప్రశ్నిస్తాడు. ఇలాంటి వేషాలు ఆపి బయటకు వెళ్ళిపో అని కళావతి బయటకు తోస్తుంది ఢిల్లీని..
ఇక రేపటి ఎపిసోడ్లో కళావతి అందంగా రెడీ అయ్యి బయటకు వెళ్తుండగా తనతో పాటు ఢిల్లీని కూడా రమ్మని పిలుస్తుంది.
