నటసింహం నందమూరి బాలకృష్ణ, సక్సెస్ ఫుల్ డైరెక్టర్ అనిల్ రావిపూడి కాంబినేషన్లో ఓ మూవీ తెరకెక్కబోతున్న సంగతి తెలిసిందే. `ఎన్బీకే 108` వర్కింగ్ టైటిల్ తో ఇటీవలె ఈ మూవీని అఫీషియల్గా అనౌన్స్ చేశారు. షైన్ స్క్రీన్స్ బ్యానర్ పై సాహు గారపాటి మరియు హరీష్ పెద్ది ఈ చిత్రాన్ని నిర్మించనున్నారు.
మ్యూజిక్ సెన్సేషన్ తమన్ సంగీతం అందిస్తున్నారు. తండ్రీకూతుళ్ల నేపథ్యంలో ఈ మూవీని రూపొందించబోతున్నారు. ఇందులో బాలకృష్ణ కూతురిగా యంగ్ బ్యూటీ శ్రీలీల అలరించబోతోందట. త్వరలోనే ఈ మూవీ రెగ్యులర్ షూటింగ్ స్టార్ట్ కాబోతోంది. అయితే తాజాగా ఈ మూవీకి సంబంధించి ఓ క్రేజీ న్యూస్ నెట్టింట వైరల్ గా మారింది.
అదేంటంటే.. ఈ చిత్రాన్ని మేకర్స్ కళ్లు చెదిరే బడ్జెట్ తో నిర్మించబోతున్నారట. ప్రస్తుతం బాలయ్య గోపీచంద్ మలినేనితో ఓ సినిమా చేస్తున్నాడు. `ఎన్బీకే 107` వర్కింగ్ టైటిల్తో రూపుదిద్దుకుంటున్న ఈ మూవీకి రూ. 70 కోట్ల రేంజ్లో బడ్జెట్ పెడుతున్నారని టాక్ ఉంది.
అయితే ఈ సినిమాకు మించిన బడ్జెట్ తో బాలయ్య-అనిల్ రావిపూడి ప్రాజెక్ట్ తెరకెక్కుతోందట. దాదాపు రూ. 80 కోట్లతో `ఎన్బీకే 108`ను రూపొందిస్తున్నారట. ఇకపోతే ఈ సినిమాలో బాలయ్యను ఓ సరికొత్త కోణంలో అనిల్ రావిపూడి చూపించబోతున్నాడు. వచ్చే ఏడాది సమ్మర్లో ఈ మూవీ విడుదల అయ్యే అకవకాశాలు ఉన్నాయి.