ఇటీవ‌ల టాలీవుడ్ లో రీరిలీజ్ ట్రెండ్ జోరుగా న‌డుస్తున్న సంగ‌తి తెలిసిందే. అభిమానుల కోరిక మేర‌కు పాత సినిమాల‌ను రీరిలీజ్ చేస్తున్నారు. ఈ రీరిలీజ్‌ల వ‌ల్ల ఓవైపు మేక‌ర్స్ కు భారీ లాభాలు వ‌స్తుంటే.. మ‌రోవైపు అభిమానులు ఫుల్‌గా చిల్ అవుతున్నారు. ఇక‌పోతే న‌ట‌సింహం నంద‌మూరి బాల‌కృష్ణ హిట్ మూవీ ఒక‌టి ఇప్పుడు రీరిలీజ్‌కు సిద్ధ‌మ‌వుతోంది.
ఇంత‌కీ ఆ సినిమా మ‌రెదో కాదు `చెన్నకేశవరెడ్డి`. శ్రీ సాయి గణేష్ ప్రొడక్షన్స్ బ్యాన‌ర్‌పై బెల్లంకొండ సురేష్ నిర్మించిన ఈ చిత్రానికి వి.వి.వినాయక్ ద‌ర్శ‌క‌త్వంలో వ‌హించారు. ట‌బు, శ్రియా ఇందులో హీరోయిన్లుగా న‌టించారు. 2002 సెప్టెంబర్ 25న విడుదలైన ఈ చిత్రం బ్లాక్ బ‌స్ట‌ర్ హిట్‌గా నిలిచింది.
ముఖ్యంగా మాస్ ప్రేక్ష‌కులను విశేషంగా ఆక‌ట్టుకుంది. బాక్సాఫీస్ వ‌ద్ద క‌లెక్ష‌న్ల వ‌ర్షం కురిపించింది. రాయలసీమ ఫ్యాక్షన్ నేపధ్యంలో రూపుదిద్దుకున్న ఈ చిత్రంలో బాలయ్య ద్విపాత్రాభిన‌యం చేసి అద‌ర‌గొట్టేశారు. అయితే ఈ చిత్రం సెప్టెంబరు 25 నాటికి విడదలై 20ఏళ్లు పూర్తి చేసుకోనుంది.
ఈ నేప‌థ్యంలోనే తెలుగు రాష్ట్రాలతో పాటు ఓవర్సీస్లో ఈ మూవీని రీరిలీజ్ చేసేందుకు స‌న్నాహాలు చేస్తున్నారు. ఈ సినిమా స్పెషల్ షోస్ ను సెప్టెంబర్ 24, 25 తేదీల్లో ప్రత్యేకంగా ప్రదర్శించేందు భారీగా ఏర్పాట్లు చేస్తున్నారు. మ‌రి ఈ సినిమా రీరిలీజ్‌లో ఎన్ని రికార్డుల‌ను నెల‌కొల్పుతుందో చూడాలి.
https://twitter.com/TrackTwood/status/1571886617568350210?s=20&t=e6fcYOm2m7vbr_Ci4ETp7g
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!