21.7 C
Hyderabad
December 2, 2022
NewOrbit
Entertainment News సినిమా

చెన్నకేశవరెడ్డి రీరిలీజ్.. మ‌హేశ్‌, ప‌వ‌న్ రికార్డుల‌ను చిత్తు చిత్తు చేసిన బాల‌య్య‌!

Share

ఇటీవల టాలీవుడ్‌లో రీ రిలీజ్ ట్రెండ్ బాగా ఊపందుకున్న సంగతి తెలిసిందే. పాత సినిమాలను 4కె ప్రింట్లకు అప్డేట్ చేసి థియేటర్లలో రిలీజ్ చేస్తుంటే కాసుల వ‌ర్షం కురిపిస్తున్నాయి. ఇందులో భాగంగానే ఆ మధ్య విడుదలైన `పోకిరి`, `జల్సా` చిత్రాలు ఎలాంటి రికార్డులు సృష్టించాయో ప్రత్యేకంగా వివరించి చెప్పాల్సిన పనిలేదు.

ఇక ఇప్పుడు నటసింహం నందమూరి బాలకృష్ణ కెరీర్ లో సూపర్ హిట్ గా నిలిచిన `చెన్నకేశవరెడ్డి` చిత్రాన్ని రీ రిలీజ్ చేశారు. వి.వి.వినాయక్ ద‌ర్శ‌క‌త్వం వ‌హించిన ఈ చిత్రంలో ట‌బు, శ్రియా హీరోయిన్లుగా న‌టించారు. శ్రీ సాయి గణేష్ ప్రొడక్షన్స్ బ్యాన‌ర్‌పై బెల్లంకొండ సురేష్ నిర్మించిన ఈ చిత్రం 2002 సెప్టెంబర్ 25న‌ విడుదలైన బాక్సాఫీస్ వ‌ద్ద మంచి విజ‌యం సాధించింది.

balakrishna chennakesava reddy movie re release
balakrishna chennakesava reddy movie re release

అయితే నేటితో ఈ సినిమా విడుదలై 20 సంవత్సరాలు పూర్తి చేసుకున్న సంద‌ర్భంగా.. తెలుగు రాష్ట్రాలతో పాటు ఓవర్సీస్​లో ఈ మూవీని సెప్టెంబర్ 24, 25 తేదీల్లో భారీ ఎత్తున రీ రిలీజ్ చేశారు. ముఖ్యంగా అమెరికాలో శ‌నివారం సుమారు 40 లొకేషన్లలో `చెన్నకేశవ రెడ్డి` విడుదల అవ‌గా.. అక్క‌డ ఈ చిత్రానికి విశేష ఆధ‌ర‌ణ ల‌భించింది.

దాంతో ఈ సినిమా బాక్సాఫీస్ వ‌ద్ద అద్భుత‌మైన వ‌సూళ్ల‌ను రాబ‌ట్టింది. ఈ క్ర‌మంలోనే ఇటీవల రీ రిలీజ్ అయిన మ‌హేశ్ `పోకిరి`, పవన్ కళ్యాణ్ `జల్సా` రికార్డు క‌లెక్ష‌న్స్‌ను చిత్తు చిత్తు చేశాడు బాలయ్య. అవును అమెరికాలో `చెన్నకేశవ రెడ్డి`కి 45,000 డాలర్లు వచ్చాయి. పైగా ఇది 36 లొకేషన్స్ కలెక్షన్స్ మాత్రమే. మహేష్ బాబు `పోకిరి`కి 16,000 డాలర్లు వ‌స్తే..పవన్ కళ్యాణ్ `జల్సా`కు 38,000 డాలర్లు వచ్చాయి. ఈ లెక్క‌న రీ రిలీజ్ సినిమాల్లో హయ్యస్ట్ రికార్డ్ బాల‌య్య చెన్నకేశవరెడ్డి సినిమాదే అని చెప్పొచ్చు.


Share

Related posts

సర్కారు వారి పాటలో చేరేది వీరేనా …?

GRK

నాకో గర్ల్ ఫ్రెండ్ ఉండేది.. ‘గీతా ఆర్ట్స్’ లో గీతా పేరు అందుకే: అల్లు అరవింద్

kavya N

24 ఏళ్ల ‘నిన్నేపెళ్లాడతా’.. కృష్ణవంశీ తెర వెనక కథ ఇదీ..

Muraliak