నటసింహం నందమూరి బాలకృష్ణ ప్రస్తుతం గోపీచంద్ మలినేని తో ఓ సినిమా చేస్తున్న సంగతి తెలిసిందే. `అఖండ` వంటి బ్లాక్ బస్టర్ హిట్ అనంతరం బాలయ్య నుంచి రాబోతున్న చిత్రమిది. ఇందులో శృతిహాసన్ హీరోయిన్గా నటిస్తోంది. దునియా విజయ్, వరలక్ష్మి శరత్ కుమార్ తదితరులు కీలక పాత్రలను పోషిస్తున్నారు.
`ఎన్‌బీకే 107` వర్కింగ్ టైటిల్ తో రూపుదిద్దుకుంటున్న ఈ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ బ్యానర్ పై నిర్మిస్తున్నారు. శ‌ర‌వేగంగా షూటింగ్ కంప్లీట్ చేసుకుంటున్న ఈ చిత్రం వచ్చే ఏడాది సంక్రాంతి కానుకగా విడుదల కానుంద‌ని టాక్ ఉంది. ఈ సంగతి పక్కన పెడితే.. దసరా పండుగ కానుకగా ఈ సినిమా టైటిల్ అనౌన్స్మెంట్ ఉంటుందని జోరుగా వార్తలు వచ్చాయి.
ఈ వార్తలతో బాలయ్య అభిమానులు ఫుల్ ఎగ్సైట్‌ అయిపోయారు. కట్ చేస్తే.. దసరా పండుగకు `ఎన్‌బీకే 107` నుంచి ఎలాంటి అప్డేట్ రాలేదు. ఈ విషయంలో బాలయ్య ఫ్యాన్స్ బాగా హర్ట్ అయ్యారట. షూటింగ్ దాదాపు ఆఖ‌రి ద‌శ‌కు చేరుకున్నా.. ఇంకా టైటిల్ అప్డేట్ రాకపోవడంపై అభిమానులు చిత్ర టీం పై అసహనం వ్యక్తం చేస్తున్నారు.
మరి `ఎన్‌బీకే 108` టైటిల్ ప్ర‌క‌ట‌న ఎప్పుడు వ‌స్తుందో చూడాలి. కాగా, ఈ చిత్రానికి `జై బాలయ్య`, `అన్నగారు`, `రెడ్డి గారు` తదితర టైటిల్స్ పరిశీలనలో ఉన్నాయి. మరి ఈ టైటిల్స్‌లోనే ఏదో ఒక దానిని క‌న్ఫామ్ చేశారా..? లేక మరో కొత్త టైటిల్ వైపు మొగ్గు చూపుతారా..? అన్న‌ది త్వ‌ర‌లోనే తేల‌నుంది.
https://newsorbit.com/cinema/balakrishna-fans-worried-on-nbk-107-due-to-that-bad-sentiment.html
