హీరోగా సుదీర్ఘకాలం నుంచి తెలుగు ప్రేక్షకులకు వినోదాన్ని అందిస్తున్న నటసింహం నందమూరి బాలకృష్ణ.. గత ఏడాది కెరీర్లోనే తొలిసారి హోస్ట్ గా మారి `అన్స్టాపబుల్ విత్ ఎన్బీకే` అనే టాక్ షోను చేసిన సంగతి తెలిసిందే. ప్రముఖ తెలుగు ఓటీటీ సమస్థ ఆహా వేదికగా ప్రసారమైన ఈ షో ఏ రేంజ్ లో సూపర్ డూపర్ హిట్ గా నిలిచిందో ప్రత్యేకంగా వివరించి చెప్పక్కర్లేదు.
తనదైన హోస్టింగ్ తో బాలయ్య తన అభిమానులనే కాదు ప్రేక్షకులందరినీ ఫిదా చేశారు. ఇకపోతే అన్స్టాపబుల్ సీజన్ 2 త్వరలోనే ప్రారంభం కాబోతున్న సంగతి తెలిసిందే. ఇటీవల సీజన్ 2 కు సంబంధించి టీజర్ కూడా బయటకు వచ్చి మంచి రెస్పాన్స్ను దక్కించుకుంది. మరి కొద్ది రోజుల్లో తొలి ఎపిసోడ్ ను స్క్రీనింగ్ చేసేందుకు ఆహా టీమ్ సన్నాహాలు చేస్తోంది.
ఈ సంగతి పక్కన పెడితే అన్స్టాపబుల్ సీజన్ 2 కు బాలయ్య డిమాండ్ చేసిన రెమ్యునరేషన్ ఇప్పుడు హాట్ టాపిక్ గా మారింది. అసలింతకీ ఆయన ఎంత పుచ్చుకుంటున్నారో తెలిస్తే కళ్లు తేలేస్తారు. సీజన్ 1కు బాలయ్య రెండున్నర కోట్లు తీసుకున్నారని అప్పట్లో ప్రచారం జరిగింది.
ఈ షో మంచి విజయం సాధించింది. పైగా సీజన్ 2 పై భారీ అంచనాలు ఏర్పడ్డాయి. ఈ నేపథ్యంలోనే బాలయ్య సీజన్ 2 కోసం రూ. 10 కోట్ల రెమ్యునరేషన్ డిమాండ్ చేసినట్లు జోరుగా ప్రచారం జరుగుతోంది. మరి ఈ ప్రచారం ఎంతవరకు నిజం అన్నది తెలియాల్సి ఉంది.