`బింబిసార`.. ఈ సినిమా గురించి ప్ర‌త్యేక‌మైన ప‌రిచ‌యాలు అవ‌స‌రం లేదు. నంద‌మూరి కళ్యాణ్ హీరోగా కొత్త ద‌ర్శ‌కుడు శ్రీ వశిష్ఠ్ తెర‌కెక్కించిన చిత్ర‌మే `బింబిసార`. ఎన్టీఆర్ ఆర్ట్స్ బ్యానర్ పై హరికృష్ణ నిర్మించిన ఈ చిత్రంలో కేథ‌రిన్ థ్రెసా, సంయుక్త మీనన్ హీరోయిన్లుగా న‌టించారు.
టైమ్ ట్రావెల్ కాన్సెప్ట్‌తో సోసియో ఫాంట‌సీ మూవీగా రూపుదిద్దుకున్న ఈ చిత్రం ఆగ‌స్టు 5న విడుద‌లై.. తొలి ఆట నుంచే హిట్ టాక్‌ను అందుకుంది. టాక్ అనుకూలంగా ఉండ‌టంతో.. ఈ చిత్రం బాక్సాఫీస్ వ‌ద్ద అదిరిపోయే వ‌సూళ్ల‌తో దుమ్ము దులిపేసింది. ఇందులో కళ్యాణ్ రామ్ ద్విపాత్రాభినయం చేసి అద‌ర‌గొట్టేశాడు.
ఇక‌పోతే ఈ సినిమా ఎప్పుడెప్పుడు ఓటీటీలోకి వ‌స్తుందా అని సినీ ప్రియులు ఎంత‌గానో ఎదురు చూస్తున్నారు. ప్ర‌ముఖ ఓటీటీ ఫ్లాట్ ఫామ్ జీ5 `బింబిసార` డిజిట‌ల్ స్ట్రీమింగ్ హ‌క్కుల‌ను సొంతం చేసుకుంది. అయితే థియేట‌ర్స్‌లో విడుద‌లై రెండు నెల‌లు పూర్తైనా ఈ సినిమాను ఓటీటీలోకి దింప‌లేదు.
అక్టోబ‌ర్ 7న ఈ సినిమా ఓటీటీలో స్ట్రీమింగ్ అవుతుంద‌ని ప్ర‌చారం జ‌రిగింది. కానీ, ఈ తేదీకి `బింబిసార` రావ‌డం లేదు. జీ5 వారు ఈ చిత్రాన్ని ఫైన‌ల్‌గా అక్టోబ‌ర్ 21న స్ట్రీమింగ్ చేయ‌బోతున్న‌ట్లు తాజాగా ప్ర‌క‌టించారు. ఈ మేర‌కు ఓ అధికారిక పోస్ట‌ర్‌ను కూడా వ‌దిలారు. మొత్తానికి `బింబిసార` ఓటీటీ రిలీజ్ మ‌రింత ఆల‌స్యం అవ్వ‌డంతో సినీ ప్రియులు కాస్త నిరాశ‌కు గుర‌య్యారు.
