బింబిసార : నందమూరి కళ్యాణ్ రామ్ నుండి వచ్చిన తాజా చిత్రం `బింబిసార`. ఏ టైమ్ ట్రావెల్ ఫ్రమ్ ఈవిల్ టు గుడ్ అనేది క్యాప్షన్. ఇందులో కేథరిన్ ట్రెసా, సంయుక్త మీనన్ హీరోయిన్లుగా నటించారు. ఎన్టీఆర్ ఆర్ట్స్ బ్యానర్పై హరికృష్ణ నిర్మించిన ఈ చిత్రానికి యంగ్ డైరెక్టర్ వశిష్ట్ దర్శకత్వం వహించాడు.టైమ్ ట్రావెల్ కాన్సెప్ట్తో సోషియో ఫ్యాంటసీ మూవీగా రూపుదిద్దుకున్న ఈ చిత్రం నేడు ప్రపంచవ్యాప్తంగా గ్రాండ్ రిలీజ్ అయింది. తొలి షో నుండే ఈ చిత్రానికి ప్రాజిటివ్ రివ్యూలు వెల్లువెత్తాయి. విజువల్ పరంగా, కథ పరంగా సినిమా అద్భుతంగా ఉంది. కళ్యాణ్ రామ్ వేరియేషన్స్ చూపిస్తూ తన పాత్రలకు పూర్తి న్యాయం చేశాడు.
కీరవాణి అందించిన బ్యాక్ గ్రౌండ్ మ్యూజిక్ సినిమా స్థాయిని మరో లెవల్కు తీసుకెళ్లింది. హిట్ టాక్ సొంతం చేసుకున్న ఈ చిత్రం బాక్సాఫీస్ వద్ద భారీ కలెక్షన్స్ ను రాబట్టడం ఖాయమని అంటున్నారు. ఇకపోతే ఈ సినిమా ఓటీటీ రిలీజ్కు సంబంధించి ఓ క్రేజీ అప్డేట్ నెట్టింట వైరల్ గా మారింది.
ఈ సినిమా డిజిటల్ స్ట్రీమింగ్ రైట్స్ను జీ5 వారు సొంతం చేసుకున్నారట. అందుకుగానూ వారు భారీ మొత్తం చల్లించారట. అయితే స్ట్రీమింగ్ మాత్రం థియేటర్స్లో విడుదలైన రెండు నెలల తర్వాతే ఉంటుందని అంటున్నారు. ఎలాగో పాజిటివ్ టాక్ వచ్చింది కాబట్టి.. ఓటీటీ రిలీజ్ ఆలస్యమైనా ఎలాంటి ఇబ్బంది ఉండదు.