బాలీవుడ్ హాట్ బ్యూటీ సోనాల్ చౌహాన్ త్వరలోనే `ది ఘోస్ట్` మూవీతో ప్రేక్షకులను పలకరించబోతున్న సంగతి తెలిసిందే. ప్రవీణ్ సత్తారు దర్శకత్వం వహించిన ఈ చిత్రంలో టాలీవుడ్ కింగ్ నాగార్జున హీరోగా నటించారు. శ్రీ వెంకటేశ్వర సినిమాస్ ఎల్ ఎల్ పీ, నార్త్ స్టార్ ఎంటర్టైన్మెంట్స్ బ్యానర్లపై పుస్కూర్ రామ్మోహనరావు, శరత్ మరార్, సునీల్ నారంగ్ సంయుక్తంగా ఈ మూవీని నిర్మించారు.
అక్టోబర్ 5న దసరా పండగ కానుకగా ఈ సినిమా విడుదల కాబోతోంది. ఈ నేపథ్యంలోనే మేకర్స్ జోరుగా ప్రచార కార్యక్రమాలను నిర్వహిస్తూ.. సినిమాపై మంచి బజ్ను క్రియేట్ చేస్తున్నారు. ఈ నేపథ్యంలోనే సోనాల్ చౌహాన్ తాజాగా ఓ ఇంటర్వ్యూలో పాల్గొంది. ఈ సందర్భంగా ఆమె `ది ఘోస్ట్`కు సంబంధించి ఎన్నో ఇంట్రెస్టింగ్ విషయాలను పంచుకుంది.
అయితే పాన్ ఇండియా స్టార్ ప్రభాస్ హీరోగా రూపుదిద్దుకుంటున్న `ఆదిపురుష్`లోనూ సోనాల్ చౌహాన్ నటిస్తోంది. తాజా ఇంటర్వ్యూలో ప్రభాస్, ఆదిపురుష్ పై కూడా సోనాల్ మాట్లాడింది. `నేను ఆదిపురుష్ గురించి ఏం చెప్పాలి? దేశం మొత్తం ఆ సినిమా కోసం ఎదురు చూస్తోంది.
అటువంటి సినిమా చేయడం అంటే హిస్టరీలో ఒక భాగం కావడమే. అందుకే ఆదిపురుష్ యూనిట్ నుంచి నాకు ఫోన్ వచ్చినప్పుడు వెంటనే ఓకే చెప్పేశా. అలాగే ప్రభాస్కు నేను వీరాభిమానిని. ఆయనతో స్క్రీన్ షేర్ చేసుకోవడం ఎంతో ఆనందంగా ఉంది` అని సోనాల్ చౌహన్ తెలిపారు. దీంతో ఈమె కామెంట్స్ కాస్త నెట్టింట వైరల్గా మారాయి. కాగా, ఆదిపురుష్లో సోనాల్ సూర్పణక పాత్రలో కనిపించబోతోందనే టాక్ ఉంది. కానీ, దీనిపై సోనాల్ క్లారిటీ ఇవ్వలేదు.
https://www.instagram.com/reel/Cizt3m9LSMk/?utm_source=ig_web_copy_link
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!