Unstoppable 2: బాలకృష్ణ హోస్ట్ గా అన్ స్టాపబుల్ సెకండ్ సీజన్ మొదటి ఎపిసోడ్ అక్టోబర్ 14 వ తారీకు శుక్రవారం మధ్యాహ్నం రెండున్నర గంటలకు ఆహాలో స్ట్రీమ్ అయింది. మొదటి ఎపిసోడ్ లో టీడీపీ అధినేత చంద్రబాబు, నారా లోకేష్ రావటం జరిగింది. బావ మరియు అల్లుడితో షోలో బాలయ్య అదిరిపోయే కామెడీతో పాటు కీలకమైన విషయాలు తన ప్రశ్నలతో రాబట్టారు. ఎప్పుడు చాలా సీరియస్ గా కనిపించే చంద్రబాబు ఈ షోలో చాలా నవ్వుతూ.. బామ్మర్ది బాలకృష్ణ వేసే ప్రశ్నలకు చాలా సరదా సమాధానాలు ఇచ్చారు.
ఈ క్రమంలో స్వర్గీయ ఎన్టీ రామారావు గొప్పదనం గురించి మాట్లాడుతూ ఇటీవల ఆంధ్రప్రదేశ్ రాష్ట్ర ప్రభుత్వం ఎన్టీఆర్ హెల్త్ యూనివర్సిటీ పేరు మార్పు గురించి చంద్రబాబు సంచలన వ్యాఖ్యలు చేయడం జరిగింది. రాజకీయాలను ఎప్పుడూ కూడా తాను వ్యక్తిగతంగా తీసుకున్నది లేదని తెలిపారు. ఆనాడు వైయస్ రాజశేఖర్ రెడ్డి ముఖ్యమంత్రిగా ఉన్న సమయంలో శంషాబాద్ విమానాశ్రయం విషయంలో ఎన్టీఆర్ పేరుకు బదులు రాజీవ్ గాంధీ పేరు పెట్టడం జరిగిందని.. ఇప్పుడు ఇదే రీతిలో ఆంధ్రప్రదేశ్ రాష్ట్ర ప్రభుత్వం ఎన్టీఆర్ వర్సిటీ పేరు మార్చటం చాలా బాధాకరమని అన్నారు.
ఎన్టీఆర్ ఏం కాంట్రిబ్యూట్ చేయలేదని పేరు మార్చినట్లు ప్రభుత్వం చెబుతుంది అని బాలకృష్ణ మాట్లాడగా వెంటనే చంద్రబాబు.. ఇది చాలా దురదృష్టకరం. ఎన్టీఆర్ సిద్ధార్థ మెడికల్ కాలేజీని టేకవర్ చేసి.. డెవలప్ చేసి దేశంలో.. ఫస్ట్ టైం మెడికల్ యూనివర్సిటీని ఏర్పాటు చేశారు అని చంద్రబాబు సమాధానం ఇచ్చారు. అంతేకాకుండా మళ్లీ అధికారంలోకి వచ్చాక యధావిధిగా ఎన్టీఆర్ హెల్త్ యూనివర్సిటీ పేరు కొనసాగిస్తామని చంద్రబాబు సోలో చాలా కాన్ఫిడెంట్ గా మాట్లాడారు.
