చిరు బ‌ర్త్‌డే స్పెష‌ల్‌.. `భోళా శంక‌ర్‌` నుంచి న‌యా అప్డేట్‌!

మెగాస్టార్ చిరంజీవి ప్ర‌స్తుతం చేస్తున్న ప్రాజెక్ట్స్ లో `భోళా శంక‌ర్‌` ఒక‌టి. మెహర్ రమేష్ ద‌ర్శ‌క‌త్వంలో రూపుదిద్దుకుంటున్న ఈ చిత్రాన్ని క్రియేటివ్ క‌మ‌ర్షియ‌ల్స్‌, ఏకే ఎంట‌ర్‌టైన్మెంట్స్ బ్యాన‌ర్ల‌పై రామబ్రహ్మం సుంకర నిర్మిస్తున్నారు. ఇందులో చిరంజీవికి జోడీగా త‌మ‌న్నా న‌టిస్తుంటే.. ఆయ‌న చెల్లెలు పాత్ర‌లో జాతీయ అవార్డు గ్ర‌హీత కీర్తి సురేష్ అల‌రించ‌బోతోంది.

మణిశర్మ కుమారుడు, యువ సంగీత ద‌ర్శ‌కుడు మహతి స్వరసాగర్ ఈ మూవీకి స్వ‌రాలు అందిస్తున్నాడు. తమిళంలో సూప‌ర్ హిట్‌గా నిలిచిన `వేదాళం`కు ఇది రీమేక్‌. సిస్ట‌ర్ సెంటిమెంట్ నేప‌థ్యంలో మాస్ యాక్ష‌న్ ఎంట‌ర్టైన‌ర్‌గా రాబోతున్న ఈ చిత్రం.. ప్ర‌స్తుతం శ‌ర‌వేగంగా షూటింగ్‌ను కంప్లీట్ చేసుకుంటోంది.

ఇదిలా ఉంటే.. రేపు చిరంజీవి బ‌ర్త్‌డే అన్న సంగ‌తి తెలిసిందే. ఈ నేప‌థ్యంలోనే `భోళా శంక‌ర్‌` నుంచి ఒక రోజు ముందే న‌యా అప్డేట్ బ‌య‌ట‌కు వ‌చ్చింది. ఇంత‌కీ ఆ అప్డేట్ మ‌రెంటో కాదు.. రిలీజ్ డేట్‌. అవును, `భోళా శంక‌ర్‌` విడుద‌లకు మేక‌ర్స్ డేట్ లాక్ చేశారు.

వచ్చే ఏడాది స‌మ్మ‌ర్ కానుక‌గా ఏప్రిల్ 14న ఈ సినిమాను విడుద‌ల చేయ‌బోతున్నారు. ఈ విష‌యాన్ని మేక‌ర్స్ అధికారికంగా ప్ర‌క‌టిస్తే.. ఓ అదిరిపోయే పోస్ట‌ర్‌ను బ‌య‌ట‌కు వ‌దిలారు. ఈ పోస్ట‌ర్‌లో చేతిలో త్రిషూలం లాకెట్‌తో ఉన్న చైన్‌ను తిప్పుతూ కూలింగ్ గ్లాసెస్ ధ‌రించి సూప‌ర్ స్టైలిష్ లుక్‌లో చిరు ద‌ర్శ‌న‌మిచ్చారు. ఆక‌ట్టుకుంటున్న ఈ పోస్ట్ ప్ర‌స్తుతం నెట్టింట వైర‌ల్‌గా మారింది.

Wishing The Swagster of INDIAN CINEMA Mega 🌟 @KChiruTweets
A Very Happy Birthday ❤️‍🔥#BholaaShankar 🔱 ARRIVING in theatres Worldwide on 14th April,2023 🤘#HBDMegastarChiranjeevi@MeherRamesh @AnilSunkara1 @tamannaahspeaks @KeerthyOfficial @AKentsOfficial @BholaaShankar pic.twitter.com/mxfWLMnrK3

— BholāShankar (@BholaaShankar) August 21, 2022

kavya N

See Full Bio