మెగాస్టార్ చిరంజీవి హీరోగా మోహన్ రాజా దర్శకత్వంలో రూపుదిద్దుకున్న తాజా చిత్రం `గాడ్ ఫాదర్`. `ఆచార్య` వంటి బిగ్గెస్ట్ డిజాస్టర్ అనంతరం చిరంజీవి నుంచి రాబోతున్న చిత్రమిది. కొణిదెల సురేఖ సమర్పణలో సూపర్ గుడ్ ఫిల్మ్స్, కొణిదెల ప్రొడక్షన్స్ బ్యానర్లపై ఆర్. బి.చౌదరి, ఎన్వీ ప్రసాద్ సంయుక్తంగా ఈ సినిమాను నిర్మించారు.
ఇందులో లేడీ సూపర్ స్టార్ నయనతార, బాలీవుడ్ కండల వీరుడు సల్మాన్ ఖాన్, సత్యదేవ్, సునీల్ తదితరులు కీలక పాత్రలు పోషించారు. తమన్ స్వరాలు అందించాడు. దసరా పండగ కానుకగా అక్టోబర్ 5న ఈ చిత్రం ప్రేక్షకుల ముందుకు రాబోతోంది. ఇప్పటికే సెన్సార్ను సైతం కంప్లీట్ చేసుకుని యూ/ఏ సర్టిఫికెట్ ను సొంతం చేసుకుంది.
మరోవైపు మేకర్స్ ఈ సినిమాపై మంచి హైప్ను క్రియేట్ చేసేందుకు ప్రచార కార్యక్రమాలను షురూ చేశారు. ఇదిలా ఉంటే.. తాజాగా ఈ సినిమాకు సంబంధించి ఓ ఇంట్రెస్టింగ్ న్యూస్ బయటకు వచ్చింది. అదేంటంటే.. ఈ చిత్రంలో తెలుగు, హిందీతో పాటు మలయాళంలో కూడా విడుదల కాబోతోంది.
తాజాగా ఈ సినిమా మళయాళం రిలీజ్ పోస్టర్ లు సైతం బయటకు వచ్చాయి. వాస్తవానికి మలయాళంలో మోహన్ లాల్ చేసిన సూపర్ హిట్ మూవీ `లూసిఫర్` కు ఈ చిత్రం రీమేక్ అన్న సంగతి తెలిసిందే. మళ్లీ ఇప్పుడు ఈ రీమేక్ చిత్రాన్ని మలయాళంలో రీలీజ్ చేసేందుకు సన్నాహాలు చేయడం విడ్డూరంగా మారింది. మరి లూసిఫర్ను చూసిన మలయాళ ప్రేక్షకులు గాడ్ ఫాదర్ను ఏ మేరకు ఆదరిస్తారో చూడాలి.