మెగాస్టార్ చిరంజీవి ప్రస్తుతం చేస్తున్న చిత్రాల్లో `గాడ్ ఫాదర్` ఒకటి. మోహన్ రాజా దర్శకత్వంలో తెరకెక్కుతున్న ఈ చిత్రంలో లేడీ సూపర్ స్టార్ నయనతార, బాలీవుడ్ కండల వీరుడు సల్మాన్ ఖాన్, సత్యదేవ్ తదితరులు ఇందులో కీలక పాత్రలను పోసిస్తున్నారు.
కొణిదెల సురేఖ సమర్పణలో సూపర్ గుడ్ ఫిల్మ్స్, కొణిదెల ప్రొడక్షన్స్ బ్యానర్లపై ఆర్. బి.చౌదరి, ఎన్వీ ప్రసాద్ సంయుక్తంగా ఈ చిత్రాన్ని నిర్మిస్తున్నారు. శరవేగంగా షూటింగ్ కంప్లీట్ చేసుకున్న ఈ మూవీ.. త్వరలోనే ప్రేక్షకుల ముందుకు రాబోతోంది. ఇకపోతే ఆగస్టు 22న చిరంజీవి పుట్టిన రోజు అన్న సంగతి తెలిసిందే.
అయితే ఆయన బర్త్డే సందర్భంగా ఒక రోజు ముందే `గాడ్ ఫాదర్` నుంచి మెగా ట్రీట్ రాబోతోంది. ఇంతకీ ఆ ట్రీట్ మరెంటో కాదు.. `గాడ్ ఫాదర్` టీజర్. రేపు సాయంత్రం 6:30 నిమిషాలకు టీజర్ ను రిలీజ్ చేయబోతున్నారు. ఈ విషయాన్ని కొంతసేపటి క్రితమే అధికారికంగా ప్రకటించిన మేకర్స్.. అందుకు సంబంధించిన పోస్టర్ ను కూడా బయటకు వదిలారు.
ఈ పోస్టర్ ప్రస్తుతం నెట్టింట వైరల్గా మారింది. కాగా, మలయాళంలో సూపర్ హిట్ గా నిలిచిన `లూసిఫర్`కు రీమేక్ గా ఈ మూవీని రూపొందిస్తున్నారు. `లూసిఫర్`లో మోహన్ లాల్ నటిస్తే.. రీమేక్ లో ఆయన పాత్రను చిరు పోషిస్తున్నాడు. మరి ఈ రీమేక్ మూవీతో చిరు ఏ మేరకు ప్రేక్షకులను ఆకట్టుకుని సక్సెస్ అవుతాడో చూడాలి.