Chor Bazaar: మాస్ డైరెక్టర్ పూరి జగన్నాథ్ కుమారుడు ఆకాష్ పూరి హీరోగా సక్సెస్ అయ్యేందుకు అన్ని ప్రయత్నాలు చేస్తున్నాడు. అయితే ఇప్పటివరకు తీసిన సినిమాలన్నీ అతనికి నిరాశనే మిగిల్చాయి. తండ్రి డైరెక్షన్లో వచ్చిన మెహబూబా కూడా ఎదురు తన్నింది. ఈ క్రమంలో చోర్ బజార్ సినిమాతో ఎలాగైనా హిట్ కొట్టాలని ఆకాష్ ఉవ్విలూరుతున్నాడు. జార్జి రెడ్డి ఫేమ్ బి జీవన్ రెడ్డి డైరెక్ట్ చేసిన ఈ సినిమా జూన్ 24న రిలీజ్ కానుంది. ఈ నేపథ్యంలో మూవీ యూనిట్ మెంబర్స్ ప్రమోషన్లను జోరుగా సాగిస్తున్నారు. ఇందులో భాగంగా తాజాగా ఈ సినిమా నుంచి “అమితాబ్ సాబ్ ఫ్యాన్ ఆంథమ్” అనే లిరికల్ సాంగ్ని మాస్ మహారాజ్ రవితేజతో రిలీజ్ చేయించారు. ఈ పాటకు మిట్టపల్లి సురేందర్ లిరిక్స్ అందించగా ప్రముఖ సింగర్ మంగ్లీ ఆలపించింది.
- Read the latest news from NEWSORBIT
- Follow us on facebook , Twitter , instagram and Googlenews
Chor Bazaar: బచ్చన్ కా బడా ఫ్యాన్
ఈ పాటలో హీరో ఆకాశ్ బిగ్ బీ ఫ్యాన్ ఎలా అయ్యాడో వివరించారు. “అలా నేను అయ్యాను బచ్చన్ కా బడా ఫ్యాన్” అంటూ సాగే ఈ పాటను చూస్తుంటే ఆకాష్ అమితాబ్ అభిమానిగా ఈ సినిమాలో కనిపించొచ్చని తెలుస్తోంది. కుర్ర హీరోయిన్ గెహన సిప్పీ ఈ సినిమాతో టాలీవుడ్ డెబ్యూ ఇవ్వనుంది. రచ్చ రవి, సంపూర్ణేష్ బాబు, సునీల్, సుబ్బరాజు, పోసాని కృష్ణ మురళి ఈ చిత్రంలో కీలక పాత్రల్లో నటించడం విశేషం. ఇప్పటికే ఈ సినిమా ట్రైలర్ విడుదల అయ్యి అభిమానుల్లో హైప్ పెంచింది. అయితే కథానాయిక గెహన ఈ చిత్రంలో మూగ అమ్మాయి గా నటించినట్లు తెలుస్తుంది. ఈ మూవీకి సంగీత బాణీలను సురేష్ బొబ్బిలి అందించారు.
- Read the latest news from NEWSORBIT
- Follow us on facebook , Twitter , instagram and Googlenews
Chor Bazaar: ఈసారైనా హిట్ కొట్టేనా
ఈ సినిమాని తన తండ్రి సహాయం లేకుండానే ఆకాష్ ఇప్పటికే ప్రమోషన్లు చేసుకోవడం ప్రారంభించాడు. వీఎస్ రాజు నిర్మాణంలో యూవీ క్రియేషన్స్ సమర్పణలో ఈ మూవీ రూపొందింది. రొమాంటిక్ యాక్షన్ థ్రిల్లర్ గా వస్తున్న ఈ సినిమా ప్రేక్షకులను ఎంత మేర ఆకట్టుకుంటుందో చూడాలి మరి.