Devatha: ఆదిత్య లేగిచడా సత్య అని దేవుడమ్మ అడుగుతుంది.. ఏమో ఆంటీ నాకు తెలీదు అని సత్య అంటుంది.. అప్పుడే ఆదిత్య తన లగేజ్ బ్యాగ్ తీసుకుని వస్తాడు.. ఎక్కడికి ఆదిత్య అని దేవుడమ్మ అడుగుతుంది.. నిన్నే చెప్పాను కదమ్మ రేపు క్యాంప్ కి వెళ్తున్నాను అని అంటాడు.. ఇప్పుడు వెళ్లడం అవసరమా ఆదిత్య.. సత్య తో బయటకు వెల్లచ్చు కదా అని దేవుడమ్మ అడుగుతుంది.. చలా ఇంపార్టెంట్ అమ్మ వెళ్లక తప్పదు అని ఆదిత్య అంటాడు.. అంతలో జానకమ్మ వాళ్లతో కలిసి టూర్ వెళ్తున్నాను అని చెబుదామని అనుకుంటాడు.. కానీ సత్య ఇప్పటికే దేవికి ఇస్తున్న ఇంపార్టెన్స్ కలిసి నాతో గొడవ పడుతుంది.. ఇప్పుడు మళ్లీ వాళ్లతో కలిసి వెళ్తున్నాను అని తెలిస్తే ఏం గొడవ చేస్తుందో ఏంటో అని ఆదిత్య అనుకుంటాడు..
ఆదిత్య దేవి వాళ్ళ ఇంటికి వెళ్తాడు.. అప్పటికే ఇంట్లో వాళ్ళందరూ ఆదిత్య కోసం బయట ఉంటారు ..రాధా ఒక్కసారి ఇంకేమైనా సర్దుకోవాలి ఏమో చూసుకొని ఆదిత్య అంటాడు.. అన్ని సర్దుకున్నాను అని చెబుతుంది.. సరే అయితే బయలుదేరుదాం అని ఆదిత్య అంటాడు. వెంటనే దేవి , చిన్మయి ఇద్దరు ఆదిత్య తోపాటు తన కారులో వస్తాం అని అంటారు.. అమ్మా నువ్వు కూడా మా కారులో కూర్చొని చిన్మయి పిలుస్తుంది.. అవునమ్మా ఆఫీసర్ కారులో వెళ్దాం అని అంత అంటారు.. నువ్వు ఆదిత్య బాబు కారులో ఎక్కి రమ్మని రామ్మూర్తి కూడా అంటారు.. మాధవ్ కోపంగా రాదా మా కారులోనే వస్తుంది అని అంటాడు.. లేదు లేరా పిల్లలంతా ఉన్నారు కదా ఆ కారులోనే రాదను ఎక్కిరానివ్వు అని రామ్మూర్తి అంటాడు.. ఇక చేసేదేమీ లేక మాధవ్ మౌనంగా ఉంటాడు..
సత్య కోపంగా రాదా వాళ్ళింటికి బయలుదేరుతుంది. అక్క నాకు చెప్పేది ఒకటి చేసేది ఒకటి. ఆదిత్యను తన ఇంటికి కూడా రానివ్వను అని అంటుంది. కానీ ఇప్పుడు ఆదిత్య తన ఇంటి చుట్టూ తిరిగేలా చేస్తుంది. అసలు తను నా సొంత అక్క అవును అని ఆ విషయం నాకు తెలుసు అని ఈరోజు రాధకు చెప్పేస్తాను.. ఎందుకు మళ్లీ నా జీవితంలోకి రావాలని అనుకుంటుంది అని తనతోనే అడిగి తెలుసుకుంటాను అని రాధ వాళ్ల ఇంటికి వస్తుంది.. సత్య రాదా ఇంటికి వచ్చేసరికి తాళాలు వేసి ఉంటయి.. వీళ్లంతా ఎక్కడికి వెళ్లి ఉంటారు అని సత్య ఆలోచనలో పడుతుంది..
మరోవైపు ప్రకృతి వైద్యశాలకు తీసుకెళ్లిన జానకమ్మను డాక్టర్స్ పరిశీలించి తనకు ఓ వారం రోజుల్లో నయమవుతుందని.. అప్పటివరకు ఇక్కడే ఉంచమని చెబుతారు.. కచ్చితంగా ఉంటామని రాధ చెబుతుంది. ఏమైంది రాధా దేని గురించి ఆలోచిస్తున్నావు అని ఆదిత్య అడుగుతాడు. సత్య కు నువ్వు నాతో మాట్లాడడమే ఇష్టం లేదు. అలాంటిది నువ్వు మా కోసం ఇంత దూరం వచ్చావని సత్యకు తెలిస్తే ఇంకేమైనా ఉందా అని రాధా అంటుంది. వాళ్ళిద్దరూ మాట్లాడుకునే మాటలను మాధవ్ చాటుగా వింటాడు. అయితే సునామీ సృష్టించాల్సింది ఇక్కడ కాదు.. సత్య దగ్గర అని మాధవ్ అనుకుంటాడు. ఆదిత్య రాధ తో పాటే ఉన్నాడని మాధవ్ సత్యకు చెబుతాడా లేదా అనేది చూడాలి..
