Dasara: ఆగిపోయిన నాని `ద‌స‌రా` మూవీ.. ఇదిగో ఫుల్ క్లారిటీ!

Dasara: న్యాచుర‌ల్ స్టార్ నాని, జాతీయ అవార్డు గ్ర‌హీత కీర్తి సురేష్ జంట‌గా న‌టిస్తున్న మాస్ యాక్ష‌న్ ఎంట‌ర్టైన‌ర్ `ద‌స‌రా`. కొత్త దర్శకుడు శ్రీకాంత్ ఓదెల తెర‌కెక్కిస్తున్న ఈ చిత్రాన్ని సుధాకర్ చెరుకూరి నిర్మిస్తున్నారు. సముద్ర ఖని, జరీనా వాహెబ్, సాయి కుమార్ తదితరులు ముఖ్య పాత్రలు పోషిస్తుండ‌గా.. సంతోష్ నారాయణన్ సంగీతాన్ని సమకూరుస్తున్నారు.

తెలంగాణకు చెందిన సింగరేణి నేపథ్యంలో ఈ మూవీని తెర‌కెక్కుతోంది. ఈ సినిమా కోసం తొలిసారిగా నాని తెలంగాణ యాసలో మాట్లాడనున్నారు. అలాగే మున్నెప్పుడూ క‌నిపించ‌ని ర‌ఫ్ లుక్‌లో ఆయ‌న క‌నిపించ‌బోతున్నారు. ఇప్ప‌టికే సెట్స్ మీద‌కు వెళ్లిన ఈ చిత్రం.. కొంత షూటింగ్‌ను కూడా కంప్లీట్ చేసుకుంది.

• Read the latest news from NEWSORBIT
• Follow us on facebook , Twitter , instagram and Googlenews

అయితే నాని నటించిన మరో చిత్రం `అంటే సుందరానికీ` రిలీజ్ సంద‌ర్భంగా.. నాని `ద‌స‌రా` షూటింగ్ కు బ్రేక్ ఇచ్చాడు. కానీ, ఈలోపే `ద‌సరా` మూవీతో ఆగిపోయిందంటూ నెట్టింట ప్ర‌చారం మొద‌లైంది. గ‌త రెండు రోజుల నుంచీ ఈ న్యూస్ తెగ ట్రెండ్ అవ‌తోంది.

అయితే ఈ విష‌యంపై డైరెక్ట‌ర్ శ్రీ‌కాంత్ ఓదెల ఫుల్ క్లారిటీ ఇచ్చారు. ద‌స‌రా షూటింగ్ ఆగిపోయిందని ఓ నెటిజ‌న్ పెట్టిన ట్వీట్ ను రీట్వీట్ చేసిన ఆయిన.. సినిమా ఆగ‌లేద‌ని తెలుపుతూ బ్రహ్మానందం మీమ్‌తో కౌంట‌ర్ ఇచ్చారు. అనవసరమైన పుకార్లను నమ్మవద్దని శ్రీ‌కాంత్ ఓదెల చెప్ప‌క‌నే చెప్పేశారు. దీంతో నెట్టింట జ‌రుగుతున్న ప్ర‌చారం అవాస్త‌వం అని తేలిపోయింది. ఇక‌పోతే ఈ సినిమా షూటింగ్‌కు సంబంధించిన నెక్ట్స్ షెడ్యూల్‌ను త్వరలోనే ప్లాన్ చేస్తున్నార‌ట మేక‌ర్స్‌.