బింబిసార 2 నంద‌మూరి క‌ళ్యాణ్ రామ్ హీరోగా తెర‌కెక్కిన సోసియో ఫాంటసీ చిత్రం `బింబిసార` ఇటీవ‌ల విడుద‌లై బ్లాక్ బ‌స్ట‌ర్ హిట్‌గా నిలిచిన సంగ‌తి తెలిసిందే. న్టీఆర్ ఆర్ట్స్ బ్యానర్‌పై హరికృష్ణ నిర్మించిన ఈ సినిమాతో శ్రీ వశిష్ఠ్ ద‌ర్శ‌కుడిగా ప‌రిచ‌యం అయ్యాడు. కేథ‌రిన్ థ్రెసా, సంయుక్త మీనన్ ఇందులో హీరోయిన్లుగా న‌టించారు.
ఆగ‌స్టు 5న రిలీజ్ అయిన ఈ చిత్రం.. ప్రేక్ష‌కుల‌ను విశేషంగా ఆక‌ట్టుకుని బాక్సాఫీస్ వ‌ద్ద భారీ క‌లెక్ష‌న్ల‌తో బీభ‌త్సం సృష్టించింది. డ‌బ్యూ మూవీ అయిన‌ప్ప‌టికీ.. `బింబిసార`ను అద్భుతంగా తెర‌కెక్కించి వశిష్ఠ్ విమ‌ర్శ‌కుల నుండి ప్ర‌శంస‌లు అందుకున్నారు. ఇక‌పోతే `బింబిసార`కు సీక్వెల్ ఉంటుంద‌ని విడుద‌ల‌కు ముందే మేక‌ర్స్ ప్ర‌క‌టించారు.
అలాగే `బింబిసార 2` కథపై వశిష్ఠ్ కసరత్తులు మొద‌లు పెట్టాడ‌ని, ఈ ఏడాది చివరినాటికి స్క్రిప్ట్ వర్క్ పూర్తవుతుందని, వచ్చే వేసవిలో రెగ్యులర్ షూటింగ్‌ను ప్రారంభించేలా ఫ్లాన్ చేస్తున్నార‌ని వార్త‌లు కూడా వ‌చ్చాయి. అయితే తాజాగా ఈ మూవీకి సంబంధించి మ‌రో ఇంట్ర‌స్టింగ్ న్యూస్ బ‌య‌ట‌కు వ‌చ్చింది.
అదేంటంటే.. డైరెక్ట‌ర్ వశిష్ఠ్ `బింబిసార 2`కు క‌ళ్లు చెదిరే రెమ్యున‌రేష‌న్ డిమాండ్ చేశాడ‌ట. బింబిసార సినిమాకు వశిష్ఠ్ తక్కువ పారితోషికానికే పని చేశారు. అయితే ఈ సినిమా ఊహించ‌ని రీతిలో స‌క్సెస్ అయింది. అందుకే వశిష్ఠ్ `బింబిసార 2`కు రూ. 3 కోట్లు రెమ్యున‌రేష‌న్‌ను డిమాండ్ చేశాడ‌ట. ఇక అత‌డిపై ఉన్న న‌మ్మ‌కంతో.. మేక‌ర్స్ సైతం వశిష్ఠ్ అడిగినంతా ఇచ్చేందుకు గ్రీన్ సిగ్నెల్ ఇచ్చార‌ని వార్త‌లు వ‌స్తున్నాయి.
