Vijay Deverakonda: టాలీవుడ్ రౌడీ బాయ్ విజయ్ దేవరకొండ తొలి పాన్ ఇండియా చిత్రం `లైగర్`. డాషింగ్ అండ్ డైనమిక్ డైరెక్టర్ పూరీ జగన్నాథ్ తెరకెక్కించిన ఈ చిత్రాన్ని ధర్మా ప్రొడెక్షన్స్, పూరీ కనెక్ట్స్ బ్యానర్లపై కరణ్ జోహార్, ఛార్మీ కౌర్ నిర్మిస్తున్నారు. బాక్సింగ్ బ్యాక్ డ్రాప్ లో రూపుదిద్దుకున్న చిత్రమిది.
ఇందులో అనన్య పాండే హీరోయిన్గా నటిస్తే..రోనిత్ రాయ్, రమ్యకృష్ణ, వరల్డ్ ఫేమస్ బాక్సర్ మైక్ టైసన్ కీలక పాత్రల్లో అలరించబోతున్నారు. ఇప్పటికే షూటింగ్ కంప్లీట్ చేసుకుని పోస్ట్ ప్రొడెక్షన్ పనులను జరుపుకుంటున్న ఈ చిత్రం ఆగస్టు 25న ప్రపంచవ్యాప్తంగా విడుదల కాబోతోంది.
- Read the latest news from NEWSORBIT
- Follow us on facebook , Twitter , instagram and Googlenews
అయితే రిలీజ్ డేట్ దగ్గర పడుతుండటంతో సినిమాపై మంచి హైప్ క్రియేట్ చేసేందుకు మేకర్స్.. వరుస అప్డేట్స్ వదులుతున్నారు. ఈ నేపథ్యంలోనే నేడు ఓ కొత్త పోస్టర్ను వదిలారు. అందులో విజయ్ ఒంటిపై బట్టలు లేకుండా నగ్నంగా దర్శనమిచ్చాడు. అయితే పూల బొకేను అడ్డం పెట్టడంతో ప్రేక్షకులు ఊపిరి పీల్చుకున్నారు. ప్రస్తుతం విజయ్ న్యూడ్ లుక్పై సెలబ్రెటీలు పాజిటివ్గా స్పందిస్తున్నా.. నెటిజన్లు మాత్రం నెగటివ్ కామెంట్స్తో విరుచుకుపడుతున్నారు.
అయితే లైగర్ టీమ్ విజయ్ నగ్న ఫొటోను వదలడం వెనక ఓ కారణం బలంగా వినిపిస్తోంది. సాధారనంగా కొన్ని అంతర్జాతీయ బాక్సింగ్ ఛాంపియన్ షిప్, అల్టిమేట్ ఫైటింగ్ ఛాంపియన్ షిప్లలో పాల్గొనబోయే ఫైటర్ల బరువును కొలవడానికి వారి ఒంటిమీద నూలుపోగు కూడా ఉంచరు. ఈ లీగ్స్ను ఫాలో అయ్యేవారికి ఇది బాగా తెలుస్తుంది. ఆ నేపథ్యంలో బాక్సింగ్ బ్యాక్ డ్రాప్లో లైగర్ వస్తోంది కాబట్టి సింబాలిక్గా విజయ్ న్యూడ్ పోస్టర్ను అలా విడుదల చేశారని అంటున్నారు.