F3: విక్ట‌రీ వెంక‌టేష్‌, మెగా ప్రిన్స్ వ‌రుణ్ తేజ్ హీరోలుగా స‌క్సెస్ ఫుల్ డైరెక్ట‌ర్ అనిల్ రావిపూడి రూపొందించిన ప‌క్కా ఎంట‌ర్టైన‌ర్ `ఎఫ్ 2`. 2019లో విడుద‌లైన ఈ చిత్రం ఎంత పెద్ద విజ‌యం సాధించిందో తెలిసిందే. అయితే ఈ మూవీకి సీక్వెల్‌గా అనిల్ `ఎఫ్ 3`ని ర‌పొందించాడు. `ఎఫ్ 2` న‌టించిన న‌టీన‌టులంద‌రూ `ఎఫ్ 3`లోనూ న‌టించారు.
అద‌నంగా సునీల్‌, ముర‌ళీ శ‌ర్మ, సంప‌త్ రాజ్, సోనాల్ చౌహాన్ త‌దిత‌రుల‌ను తీసుకున్నారు. శ్రీ‌వెంకటేశ్వ‌ర క్రియేష‌న్స్ బ్యాన‌ర్‌పై దిల్ రాజు, శిరీష్‌లు నిర్మించిన ఈ చిత్రం మే 27న గ్రాండ్‌గా విడుద‌లే.. ప్రేక్ష‌కుల‌ను విశేషంగా అల‌రించింది. క‌థ పెద్ద‌గా ఏమీ లేక‌పోయినా.. క‌డుపుబ్బా న‌వ్వించే వినోదం పుష్క‌లంగా ఉండ‌టంతో సినిమా మంచి విజ‌యం సాధించింది.
- Read the latest news from NEWSORBIT
- Follow us on facebook , Twitter , instagram and Googlenews
ఇక‌పోతే ఈ మూవీ ఓటీటీలో సంద‌డి చేసేందుకు సిద్ధం అవుతోంది. ప్ర‌మోష‌న్స్ స‌మ‌యంతో `ఎఫ్ 3` ఎనిమిది వారాల త‌ర్వాతే ఓటీటీలో వ‌స్తుంద‌ని మేక‌ర్స్ ఓ వీడియోను వ‌దిలారు. అయితే ఇప్పుడు ఆ నిర్ణ‌యం మేర‌కే ఎఫ్ 3 చిత్రాన్ని ఓటీటీ రిలీజ్ చేయ‌బోతున్నారు.
ఎఫ్3 డిజిటల్ స్ట్రీమింగ్ రైట్స్ ను సాలిడ్ ధరకు సొంతం చేసుకున్న సోనీ లివ్.. జులై 22 నుండి ఈ మూవీని స్ట్రీమింగ్ చేయ‌నున్నార‌ని తెలుస్తోంది. ఈ మేరకు అధికారిక పోస్టర్ విడుదల చేయనున్నారు. ఒక‌వేళ థియేట‌ర్స్‌లో ఎవ‌రైనా ఈ ఔట్ అంట్ ఔట్ ఎంట‌ర్టైన‌ర్‌ను మిస్ అయ్యుంటే.. ఓటీటీలో విక్షించి ఎంజాయ్ చేయ‌డం మాత్రం మ‌ర‌చిపోకండి.
