మెగాస్టార్ చిరంజీవి ప్ర‌ధాన పాత్ర‌లో తెర‌కెక్కిన తాజా చిత్రం `గాడ్ ఫాద‌ర్‌`. మలయాళంలో బ్లాక్ బ‌స్ట‌ర్ హిట్‌గా నిలిచిన `లూసిఫర్`కు ఇది రీమేక్‌. మోహన్ రాజా ద‌ర్శ‌క‌త్వం వ‌హించిన ఈ చిత్రంలో న‌య‌న‌తార, స‌త్య‌దేవ్‌, సల్మాన్ ఖాన్ త‌దిత‌రులు కీల‌క పాత్ర‌ల‌ను పోషించారు.
కొణిదెల సురేఖ సమర్పణలో సూపర్ గుడ్ ఫిల్మ్స్‌, కొణిదెల ప్రొడక్షన్స్ బ్యానర్‌లపై ఆర్. బి.చౌదరి, ఎన్వీ ప్రసాద్ ఈ మూవీని నిర్మిస్తున్నారు. పొలిటికల్ నేపథ్యంలో రూపుదిద్దుకున్న ఈ చిత్రం అక్టోబ‌ర్ 5న ప్రేక్ష‌కుల ముందుకు రాబోతోంది. ఈ విష‌యాన్ని ఇప్ప‌టికే మేక‌ర్స్ అధికారికంగా ప్ర‌క‌టించారు.
అలాగే ఇటీవ‌ల చిరంజీవి బ‌ర్త్‌డే సందర్భంగా బ‌య‌ట‌కు వ‌దిలిన టీజ‌ర్‌.. సినిమాపై మంచి అంచ‌నాల‌ను క్రియేట్ చేసింది. దీంతో ఈ మూవీ కోసం మెగా అభిమానులు ఈగ‌ర్‌గా వెయిట్ చేస్తున్నారు. ఇలాంటి త‌రుణంలో ఈ సినిమా విడుద‌ల‌పై ఓ ఇంట్ర‌స్టింగ్ టాక్ బ‌య‌ట‌కు వ‌చ్చింది.
అదేంటంటే.. `గాడ్ ఫాద‌ర్‌` విడుద‌ల వాయిదా ప‌డ‌బోతోంద‌ట. నాగార్జున హీరోగా తెర‌కెక్కిన `ది ఘోస్ట్‌` అదే రోజు రిలీజ్ కావ‌డం ఇందుకు ప్ర‌ధాన కార‌ణ‌మ‌ని తెలుస్తోంది. మ‌రి నిజంగానే చిరంజీవి వెన‌క్కి త‌గ్గి త‌న సినిమా విడుద‌ల‌ను వాయిదా వేసుకున్నారా..? లేదా..? తెలియాలంటే అధికారిక ప్ర‌క‌ట‌న రావాల్సిందే.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!