Pakka Commercial: టాలీవుడ్ మ్యాచో హీరో గోపీచంద్, అందాల భామ రాశి ఖన్నా జంటగా నటించిన తాజా చిత్రం `పక్కా కమర్షియల్`. ప్రముఖ దర్శకుడు మారుతి తెరకెక్కించిన ఈ చిత్రాన్ని యూవి క్రియేషన్స్, గీతా ఆర్ట్స్-2 బ్యానర్ పై అల్లు అరవింద్, బన్నీ వాసు నిర్మించారు.
సత్యరాజ్, వరలక్ష్మీ శరత్ కుమార్, రావు రమేష్ తదితరులు ఇందులో కీలక పాత్రలను పోషించారు. భారీ అంచనాల నడుమ నిన్న ఈ చిత్రం గ్రాండ్ గా విడుదలైంది. టైటిల్ కు తగ్గట్టుగానే అవుట్ అండ్ అవుట్ కమర్షియల్ ఎలిమెంట్స్ తో వచ్చిన ఈ సినిమా మిక్స్డ్ టాక్ తెచ్చుకుంది.
- Read the latest news from NEWSORBIT
- Follow us on facebook , Twitter , instagram and Googlenews
అయితే టాక్ ఎలా ఉన్నా తొలి రోజు ఈ మూవీ మంచి వసూళ్లు సాధించింది. ‘పక్కా కమర్షియల్’ రిలీజ్ రోజు ప్రపంచ వ్యాప్తంగా రూ. 6.3 కోట్ల గ్రాస్ కలెక్షన్లు రాబట్టింది. ఈ విషయాన్ని చిత్ర బృందం స్వయంగా ప్రకటించింది. గోపీచంద్ కెరీర్లో హయ్యస్ట్ ఓపెనింగ్స్ సాధించిన సినిమాగా `పక్కా కమర్షియల్ నిలిచిందని కూడా మేకర్స్ పేర్కొన్నారు.
గోపీచంద్ గత చిత్రం ‘సీటీమార్’ మొదటి రోజు దాదాపు 4.1 కోట్లు వసూలు చేసింది. ఇప్పుడు ‘పక్కా కమర్షియల్’తో గోపీచంద్ ఆ రికార్డును బ్రేక్ చేసి.. మరో నయా రికార్డ్ను నమోదు చేశాడు. మరి ఇకపై కూడా ఇదే జోరును కొనసాగిస్తే సినిమా బ్రేక్ ఈవెన్ టార్గెట్ను అందుకోవడం సులభం అవుతుంది.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!