Guppedantha Manasu October 21Today Episode: బుల్లితెర ప్రేక్షకులను ఎంతగానో ఆకట్టుకుంటున్న సీరియల్ గుప్పెడంత మనసు. మంచి కథ, కథనంతో ముందుకు సాగుతూ 583వ ఎపిసోడ్ లోకి ఎంటర్ అయింది. ఇక ఈరోజు అక్టోబర్ 22న ప్రసారం కానున్న ఎపిసోడ్ లో ఏమి జరిగిందో ముందుగా తెలుసుకుందాం..గత ఎపిసోడ్ లో దేవయాని రిషి మీద తనకు ఉన్న దొంగ ప్రేమను చూపిస్తూ మహేంద్ర, జగతిలను తప్పు పట్టేలా మాట్లాడుతుంది.ఈరోజు కూడా అదే సీన్ కంటిన్యూ అవుతుంది.దేవయాని మాటలు నిజం అని నమ్మిన రిషి…డాడ్ ఇలాంటి రోజు ఒకటి వస్తుందని నేను ఊహించలేదు.. మీరు కూడా మారిపోతారనిపిస్తుంది నాకు అనేసి అక్కడ నుంచి వెళ్లిపోతాడు. రిషి మాటలు విని మహేంద్ర చాలా బాధపడతాడు.ఆ తర్వాత దేవయాని కావాలనే జగతీ, మహేంద్రలను నానా మాటలు అంటుంది. రిషి ప్రేమకి.. రిషి జీవితానికి మీరిద్దరే పెద్ద శత్రువులు. గురుదక్షిణ ఒప్పందమే లేకపోతే రిషి, వసు ఈ పాటికి కలిపిపోయేవారు..సో దీని బట్టి వాళ్లకి మీరే అడ్డంకి అనేసి అక్కడ నుంచి వెళ్లిపోతుంది.
ఇల్లు వదిలి వెళ్ళిపోనున్న మహేంద్ర, జగతి :
దేవయాని మాటలకు జగతీ, మహేంద్రలు చాలా ఏడుస్తారు.ఇక మహేంద్ర బాధపడుతూనే రిషికి ఫోన్ చేస్తే స్విచ్ ఆఫ్ అని వస్తుంది. ఈ రిషి మనల్ని ఎప్పటికీ అర్థం చేసుకోడా జగతీ.? దేవయాని వదిన మాటలకు మనం సమాధానం ఇవ్వాలి జగతీ మనం ఇక్కడ నుండి వెళ్లిపోదాం జగతీ అంటాడు మహేంద్ర ఆవేశంగా.మహేంద్ర అలా అంటావేంటి రిషి అక్కయ్య మాయలో ఉన్నాడు..ఇదంతా నా వల్లే.. నువ్వు కూడా రిషిని వదిలేసి వచ్చేస్తే ఎలా అని సర్ది చెబుతుంది.
వసు, రిషిల రొమాన్స్ సూపర్ :
సీన్ కట్ చేస్తే.. రిషి, వసులు కారులో లాంగ్ డ్రైవ్ కు వెళ్తారు. ఓ చోట ఆగి ఒకరి వీపుకు ఒకరు ఆనుకుని మాట్లాడుకుంటూ ఉంటారు. ‘ఈ సమయం నాకు చాలా ఆనందంగా ఉంది వసుధార’అంటాడు రిషి. అందుకే ఎలాంటి డిస్టబెన్స్ లేకుండా మన ఇద్దరి ఫోన్స్ స్విచ్ ఆఫ్ చేసి కారులో పెట్టేశాను అంటుంది వసు. రిషి షాక్ అవుతూ అవునా అంటూ వెనక్కి తిరగడంతో వసు రిషి ఒడిలోకి వాలిపోతుంది. ఆ సమయంలో ఇద్దరి చూపులు కలుస్తాయి ఆ సీన్ చూడడానికి కాస్త రొమాంటిక్ గా ఉంటుంది.తర్వాత ఇద్దరూ తేరుకుని.. నార్మల్‌గా కూర్చుని చాలా సేపు కబుర్లు చెప్పుకుంటారు. ‘నువ్వు నాకు స్పెషల్ కదా వసుధార.. అందుకే నీకు ముద్దుగా పొగరు అని పేరు పెట్టుకున్నాు.. పొగరు అంటే తిట్టు అనుకున్నావా? కాదు.. ప్రేమ.. ఈ పిలుపు నాకే సొంతం..’ అంటాడు ‘ఈ రోజు ఏంటో గుండె తట్టుకోలేనంత ఆనందంగా ఉంది అంటుంది వసు. ‘కానీ ఇలాంటప్పుడే భయమేస్తుంది నాకు అంటాడు రిషి. ‘భయమెందుకు సార్.?’ అంటుంది వసు. ‘నేను ఎవరిని ఇష్టపడినా వాళ్లు నాకు దూరం అయిపోతున్నారు ఏంటో మనం కూడా అని ఆవేదనగా అనబోతుంటే సార్.. అలా అనకండి సార్..’ అంటూ తన చేతిని రిషి నోటికి అడ్డం పెడుతుంది వసు.అయినా నాకంటూ నేను ఇష్టపడేవాళ్లు ఎవరు ఉన్నారు.? నువ్వు డాడ్ అంతే కదా.. డాడ్ అంటే నాకు ప్రాణం. డాడ్ నన్ను చూడకుండా ఉండలేరు తెలుసా?’ అంటూ మహేంద్ర గురించి చాలా గొప్పగా చెబుతూ ఉంటాడు రిషి.
కొడుకుని ఒంటరి చేసి వెళ్లిపోతున్న మహేంద్ర :
మరోపక్క మహేంద్ర ఎంతో బాధగా రిషి, మహేంద్రలు కలిసి దిగిన ఫొటో ఫ్రేమ్ చూసుకుంటూ. ‘మారిపోతున్నాను అన్నావ్ కదా నాన్నా.. మారిపోయానో.. పారిపోతున్నానో..అంటూ ఎమోషనల్‌గా ఆ ఫొటోకి ముద్దు పెట్టుకుని ఫ్రేమ్ నుంచి ఆ ఫొటో తీసి తన జేబులో పెట్టుకుంటాడు. ఆ ఫ్రేమ్ మీద ఏదో రాస్తాడు. ఇక జగతీ, మహేంద్రలు చాలా బాధగా బట్టలు సర్దుకుని కారు దగ్గరకు వెళ్లి వెనక్కితిరిగి చూసుకుంటూ కారు ఎక్కుతారు. అదే సమయంలో వాళ్లను దేవయాని చాటుగా చూసి నవ్వుకుని లోపలికి వెళ్లిపోతుంది.
Guppedantha Manasu October 21Today Episode:దిక్కుతోచని స్థితిలో రిషి :
ఇక రిషి, వసులు తిరిగి కారులోఇంటికి బయలుదేరతారు. అదే సమయంలోజగతీ, మహేంద్రలు కూడా కారులో ఎటో వెళ్లిపోతూ ఉంటారు. మొత్తానికీ ఈరోజు ఎపిసోడ్ కాస్త బాధగా మరికాస్త సంతోషంగా ముగిసిందనే చెప్పాలి.అమ్మాయి ప్రేమ దక్కిందని రిషి సంతోషపడాలో లేకపోతే నాన్న ప్రేమ దూరం అయింది అని బాధ పడాలో తెలియని అయోమయంలో ఈరోజు కథనం చాలా ఎమోషనల్‌గా సాగింది.
