Hero Nani: `శ్యామ్ సింగరాయ్` వంటి బ్లాక్ బస్టర్ హిట్ తర్వాత `అంటే..సుందరానికీ`తో ప్రేక్షకులను పలకరించాడు న్యాచురల్ స్టార్ నాని. యంగ్ డైరెక్టర్ వివేక్ ఆత్రేయ దర్శకత్వం వహించిన ఈ చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ బ్యానర్పై నవీన్ యెర్నేని, వై. రవిశంకర్ నిర్మించారు. మలయాళ బ్యూటీ నజ్రియా నజీమ్ ఈ మూవీ ద్వారా టాలీవుడ్లోకి అడుగు పెట్టింది.
నరేశ్, నదియా, రోహిణి తదితరులు ఇందులో కీలక పాత్రలను పోషించారు. లవ్ అండ్ కామెడీ ఎంటర్టైనర్గా రూపుదిద్దుకున్న ఈ చిత్రం జూన్ 10న విడుదలై.. మంచి స్పందనను దక్కించుకుంది. కానీ, బాక్సాఫీస్ వద్ద కలెక్షన్స్ మాత్రం ఊహించిన స్థాయిలో రాబట్టలేకపోయింది. ఇక తాజాగా ఈ మూవీ బక్సాఫీస్ రన్ పూర్తవడంతో.. క్లోజింగ్ కలెక్షన్స్ లెక్కలు బయటకు వచ్చాయి.
- Read the latest news from NEWSORBIT
- Follow us on facebook , Twitter , instagram and Googlenews
ప్రపంచ వ్యాప్తంగా రూ. 30 కోట్ల ప్రీ రిలీజ్ బిజినెస్ చేసిన ఈ చిత్రం.. రూ. 31 కోట్ల బ్రేక్ ఈవెన్ టార్గెట్తో బరిలోకి దిగింది. అయితే లాంగ్ రన్లో ఈ సినిమా రూ.21.22 కోట్ల షేర్ తో రాబట్టి సరిపెట్టుకుంది. దీంతో బయ్యర్స్ కు రూ.9.08 కోట్ల నష్టాలు వచ్చినట్టు తెలుస్తోంది. మంచి టాక్ ను సంపాదించుకున్నప్పటికీ.. అడివి శేష్ `మేజర్`, కమల్ హాసన్ `విక్రమ్` చిత్రాలు పోటీలో ఉన్నాయి. వాటి ప్రభావం నాని సినిమా కలెక్షన్స్పై భారీగా పడింది. అందుకే నష్టాలు వాటిల్లాయని అంటున్నారు. ఇకపోతే ఏరియాల వారీగా `అంటే..సుందరానికీ` క్లోజింగ్ కలెక్షన్స్ను ఓ సారి గమనిస్తే..
నైజాం – రూ. 6.22 కోట్లు
సీడెడ్ – రూ. 1.32 కోట్లు
ఉత్తరాంధ్ర – రూ. 1.70 కోట్లు
ఈస్ట్ – రూ. 1.02 కోట్లు
వెస్ట్ – రూ. 0.85కోట్లు
గుంటూరు – రూ. 1.00 కోట్లు
కృష్ణా – రూ. 1.01 కోట్లు
నెల్లూరు – రూ. 0.62 కోట్లు
—————————–
ఏపీ+తెలంగాణ=13.74కోట్లు
—————————–
కర్ణాటక+రెస్టాఫ్ ఇండియా – 1.70 కోట్లు
ఓవర్సీస్ – 5.78 కోట్లు
—————————-
వరల్డ్ వైడ్ టోటల్ కలెక్షన్= 21.22 కోట్లు
—————————-
కాగా, ఈ మూవీ ప్రముఖ దిగ్గజ ఓటీటీ సంస్థ నెట్ఫ్లిక్స్లో జూన్ 10 నుండి స్ట్రీమింగ్ అవ్వబోతోంది. ఇందుకు సంబంధించిన ప్రకటన కూడా ఇప్పటకే బటయకు వచ్చింది