Hero Ram: టాలీవుడ్ ఎనర్జిటిక్ స్టార్ రామ్ పోతినేని పెళ్లి పీటలెక్కబోతున్నాడంటూ గత కొద్ది రోజుల నుంచీ నెట్టింట జోరుగా ప్రచారం జరుగుతున్న సంగతి తెలిసిందే. తన చిన్నప్పటి క్లాస్ మేట్ నే రామ్ ప్రేమిస్తున్నాడని.. వీరి ప్రేమను ఇరు కుటుంబసభ్యులు అంగీకరించడంతో పెళ్లి సిద్ధమయ్యారంటూ వార్తలు పుట్టుకొచ్చాయి.
అయితే ప్రియురాలితో పెళ్లి అంటూ ట్రెండ్ అవుతున్న న్యూస్పై హీరో రామ్ ఫుల్ క్లారిటీ ఇచ్చారు. `ఓరి దేవుడా.. ఆపండి. నేను నా స్కూల్ ఫ్రెండ్ని, సీక్రెట్ ఫ్రెండ్ని పెళ్లి చేసుకుంటున్నాను అనే వార్తలు ఇంటి వరకు చేరాయి.. నా సొంత ఫ్యామిలీ మెంబర్స్, ఫ్రెండ్స్కి కూడా సమాధానం చెప్పుకోవాల్సి పరిస్థితి వచ్చింది.
- Read the latest news from NEWSORBIT
- Follow us on facebook , Twitter , instagram and Googlenews
నేను ఎవ్వరినీ పెళ్లి చేసుకోవడం లేదు.. నిజం చెప్పాలంటే.. నేను చిన్నప్పుడు సరిగ్గా స్కూల్కి కూడా వెళ్లేవాడినే కాదు` అంటూ రామ్ ట్విట్టర్ ద్వారా ఓ పోస్ట్ పెట్టాడు. దీంతో సోషల్ మీడియాలో వైరల్ అవుతున్న వార్తలు పుకార్లని తెలిపోయింది. కాగా, సినిమాల విషయనికి వస్తే.. ప్రస్తుతం కోలీవుడ్ డైరెక్టర్ ఎన్.లింగుస్వామితో `ది వారియర్` అనే సినిమా చేశాడు.
ఇందులో కృతి శెట్టి హీరోయిన్గా, ఆది పినిశెట్టి విలన్గా నటించారు. ఇప్పటికే షూటింగ్ కంప్లీట్ చేసుకున్న ఈ మూవీ జూలై 14న తెలుగు, తమిళ్ భాషల్లో రిలీజ్ కానుంది. అలాగే ఈ మూవీ అనంతరం రామ్ మాస్ డైరెక్టర్ బోయపాటి శ్రీనుతో ఓ మూవీ చేసేందుకు గ్రీన్ సిగ్నెల్ ఇచ్చాడు. ఇది పాన్ ఇండియా లెవల్లో తెరకెక్కబోతుండటం విశేషం.