సైన్స్ ఫిక్షన్.. ఈ జోన‌ర్‌లో సినిమాలు చాలా అరుదుగా వ‌స్తుంటాయి. అందులోనూ టైమ్ ట్రావెల్ కాన్సెప్ట్ తో వ‌చ్చిన చిత్రాలు మ‌రీ త‌క్కువ. ఎందుకంటే, అలాంటి సినిమాలు తీయ‌డం అంత తేలికైన ప‌నేమి కాదు. కానీ, ఇప్ప‌టి వ‌ర‌కు ఆ కాన్సెప్ట్ తో వ‌చ్చిన ప్ర‌తి సినిమా సూప‌ర్ డూప‌ర్ హిట్‌గా నిలిచాయి. తెలుగులో ట్రైమ్ ట్రావెల్ కాన్సెప్ట్ తో తెర‌కెక్కిన తొలి చిత్రం `ఆదిత్య 369`.
సింగీతం శ్రీనివాసరావు ద‌ర్శ‌క‌త్వంలో న‌ట‌సింహం నంద‌మూరి బాల‌కృష్ణ హీరోగా తెర‌కెక్కిన ఈ సైన్స్ ఫిక్షన్ చిత్రం బ్లాక్ బ‌స్ట‌ర్ హిట్‌గా నిలిచింది. ఆ త‌ర్వాత ట్రైమ్ ట్రావెల్ కాన్సెప్ట్ తోనే కోలీవుడ్ స్టార్ హీరో సూర్య `24` సినిమా చేశాడు. ఈ సినిమా త‌మిళంతో పాటు తెలుగులోనూ మంచి విజ‌యం సాధించింది. ఇక రీసెంట్‌గా ఇదే జోన‌ర్ లో రెండు సినిమాలు వ‌చ్చాయి.
ఆ చిత్రాలు మ‌రేవో కావు.. `బింబిసార`, `ఒకే ఒక జీవితం`. బింబిసార సినిమాలో నంద‌మూరి క‌ళ్యాణ్ రామ్ హీరోగా న‌టించారు. గ‌త నెలలో విడుద‌లైన ఈ చిత్రం డ‌బుల్ బ్లాక్ బ‌స్ట‌ర్‌గా నిలిచింది. అలాగే `ఒకే ఒక జీవితం`లో టాలెంటెడ్ హీరో శ‌ర్వానంద్ న‌టించారు. టైమ్ ట్రావెల్ కాన్సెప్ట్ తో మ‌ద‌ర్ సెంటిమెంట్ నేప‌థ్యంలో ఈ మూవీని రూపొందించారు.
ఈ సినిమా సైతం హిట్ టాక్ తో బాక్సాఫీస్ వ‌ద్ద అద్భుత‌మైన వ‌సూళ్ల‌ను రాబ‌డుతోంది. ఈ నేప‌థ్యంలోనే సైన్స్ ఫిక్షన్ జోన‌ర్‌లో సినిమా తీస్తే హిట్ ఖాయ‌మ‌నే టాక్ ఇప్పుడు బ‌లంగా వినిపిస్తోంది. ఈ విష‌యంమే ఇప్పుడు ఇండ‌స్ట్రీలో హాట్ టాపిక్‌గా మారింది. ఈ క్ర‌మంలోనే స్టార్ హీరోలు సైతం సైన్స్ ఫిక్షన్ జోన‌ర్ లో టైమ్ ట్రావెల్ కాన్సెప్ట్ తో సినిమాలు చేసేందుకు తెగ ఇంట్ర‌స్ట్ చూపుతున్నార‌ట.
