Indian Film Industry: 2020 నుండి మహమ్మారి కరోనా(Corona) కారణంగా సినిమా ఇండస్ట్రీ రెండు సంవత్సరాలు గడ్డు కాలం చూడటం తెలిసిందే. ప్రాణాంతకర వైరస్ కరోనా వ్యాప్తి చెందకుండా ప్రభుత్వాలు తీసుకున్న చాలా నిర్ణయాలు.. సినిమా ధియేటర్ల యాజమాన్యానికి మరియు సినిమా రంగానికి.. తీరని నష్టాన్ని మిగిల్చాయి. ఇటువంటి తరుణంలో ఇండియాలో సినిమా వ్యాపారం ఇక కష్టం అన్న తరహాలో ప్రచారం కూడా జరిగింది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
పరిస్థితులు ఇలా ఉంటే 2022వ సంవత్సరంలో సినిమా వ్యాపారానికి డోకా లేదు అని సౌత్ ఇండస్ట్రీ సినిమాలు నిరూపించాయి. ఈ ఏడాది మొదలయ్యి ఆరు నెలలు ముగిసిన క్రమంలో.. ఇండియన్ ఫిలిం గ్రాఫ్ చూస్తే అత్యధిక విజయం సాధించిన సినిమాలు దాదాపు దక్షిణాది సినిమాలే. అందులో రెండు సినిమాలు 1000 కోట్లకు పైగా కలెక్షన్ సాధించడం విశేషం. విషయంలోకి వెళ్తే రాజమౌళి(Rajamouli)దర్శకత్వంలో వచ్చిన “RRR”, ప్రశాంత్ నీల్(Prashanth Neel) దర్శకత్వంలో వచ్చిన “KGF”… రెండు కూడా బ్లాక్ బస్టర్ విజయాలు సాధించాయి.
ఏకంగా బాలీవుడ్(Bollywood) ఇండస్ట్రీలో సైతం కొన్ని వందల కోట్లు కలెక్షన్స్ ఈ రెండు సినిమాలు సాధించాయి. ఈ రెండు సినిమాలకు బాలీవుడ్ సినిమాలు ఏవి కూడా పోటీ ఇవ్వలేదు. ఈ ఏడాది ఫస్ట్ ఆఫ్ లో ఇంకా చెప్పుకోదగ్గ సినిమాల లిస్ట్ చూస్తే లోకేష్ కనకరాజ్ దర్శకత్వంలో వచ్చిన విక్రం, సర్కారు వారి పాట, భీమ్లా నాయక్… మరికొన్ని చిన్న సినిమాలు. దాదాపు ఈ ఆరు నెలల వ్యవధిలో ఇండియన్ ఫిలిం ఇండస్ట్రీలో వేలకోట్లకు పైగా… వ్యాపారం జరగటం నిజంగా శుభ పరిణామం అని.. అందులో ఎక్కువ సౌత్ సినిమాలే సత్తా చాటాయని సినీ విశ్లేషకులు వ్యాఖ్యానిస్తున్నారు.