`లైగ‌ర్‌` విష‌యంలో అదే నిజ‌మైతే విజ‌య్ దేవ‌ర‌కొండ క్రేజ్ డ‌బుల్ అంతే!

టాలీవుడ్ రౌడీ బాయ్ విజ‌య్ దేవ‌ర‌కొండ కెరీర్‌లో రూపుదిద్దుకున్న తొలి పాన్ ఇండియా చిత్రం `లైగ‌ర్‌`. డైన‌మిక్ డైరెక్ట‌ర్ పూరీ జ‌గ‌న్నాథ్ తెర‌కెక్కించిన ఈ చిత్రంలో బాలీవుడ్ బ్యూటీ అన‌న్య పాండే హీరోయిన్‌గా న‌టించింది. ర‌మ్య‌కృష్ణ‌, ప్రపంచ బాక్సింగ్ ఛాంపియన్ మైక్ టైసన్ త‌దిత‌రులు కీల‌క పాత్ర‌ల‌ను పోషించారు.

ధర్మా ప్రొడెక్షన్స్‌, పూరీ కనెక్ట్స్ బ్యాన‌ర్ల‌పై కరణ్ జోహార్, ఛార్మీ కౌర్ క‌లిసి హై బ‌డ్జెట్‌తో ఈ మూవీని నిర్మించారు. బ్యాక్సింగ్ బ్యాక్‌డ్రాప్‌లో రూపొందిన ఈ చిత్రం ఆగ‌స్టులో గ్రాండ్‌గా రిలీజ్ కాబోతోంది. ప్ర‌స్తుతం పోస్ట్ ప్రొడెక్ష‌న్స్ ప‌నులు జ‌రుగుతున్నాయి. ఇదిలా ఉంటే.. తాజాగా ఈ సినిమా విష‌యంలో ఓ వార్త వైర‌ల్‌గా మారింది.

అదేంటంటే.. వ‌ర‌ల్డ్ వైడ్‌గా `లైగ‌ర్‌` మూవీకి ఏకంగా రూ. 100 కోట్ల రేంజ్‌లో ప్రీ రిలీజ్ బిజినెస్ జ‌రుగుతోంద‌ట‌. ఇది ఎంత వ‌ర‌కు నిజ‌మో తెలియ‌దు గానీ.. ఈ న్యూస్ నెట్టింట తెగ హ‌ల్‌చ‌ల్ చేస్తోంది. ఒకవేళ ఈ వార్తే గ‌నుక నిజ‌మైతే విజ‌య్ దేవ‌ర‌కొండ క్రేజ్ డ‌బుల్ అవ్వ‌డం ఖాయమ‌వుతుంది.

కాగా, `లైగర్` చిత్రాన్ని పూరీ జగన్నాథ్ దాదాపు రూ. 125 కోట్ల భారీ బడ్జెట్‌తో అత్యున్నత సాంకేతికతతో తెరకెక్కిస్తున్నారు. ఈ లైగర్ అటు పూరీ, ఇటు విజయ్ కెరీర్‌లో కూడా అత్యంత ఎక్కువ బడ్జెట్ సినిమాగా వస్తోంది. ఇప్ప‌టికే విడుద‌లైన పోస్ట‌ర్స్‌, గ్లింప్స్‌, టీజ‌ర్‌, సాంగ్స్ సినిమాపై భారీ అంచ‌నాల‌ను క్రియేట్ చేయ‌గా.. విజ‌య్ ఆ అంచ‌నాల‌ను ఎంత వ‌ర‌కు అందుకుంటాడో చూడాల్సి ఉంది.