Intinti Gruhalakshmi: తులసి ఇంట్లో నుంచి వెళ్ళిపోవడం అనసూయమ్మ జీర్ణించుకోలేక పోతుంది.. తులసి నేను చాలాసార్లు గొడవపడ్డాం అరుచుకున్నాం కానీ అవి మాటలు వరకే ఉన్నాయి.. ఒకసారి తులసి నన్ను బ్రతిమిలాడేది.. లేదంటే నేను తులసిని బతిమిలాడేది.. కానీ ఇప్పుడు అలా కాదు తులసి ఈ ఇల్లు వదిలిపెట్టి వెళ్ళిపోయింది .. ఇలా జరుగుతుందని నేను ఊహించలేదు.. అయితే తులసిని బతిమిలాడి ఇంటికి తీసుకువస్తారా అత్తయ్య అని లాస్య అడుగుతుంది.. లేదంటే మీరు తీసుకొస్తారా అని నందుని అంటుంది.. లేకపోతే నువ్వు తీసుకొస్తావా అభి అని లాస్య అంటుంది.. కాదు తాతయ్య తీసుకువస్తాడు అని అభి అంటాడు..
తులసి ఈ ఇంట్లో నుంచి వెళ్లిపోవడానికి కారణం ఎవరో వాళ్లు అస్సలు బాగుపడరు వారి జీవితంలో సంతోషమే ఉండదు అంటూ పరందామయ్య దేవుడు ముందు దీపం పెడతాడు.. దేవుడా నేను ఇప్పుడు అన్న మాటలు అబద్ధం కాదు.. తప్పు చేసినవారికి వాళ్ళ మనసు తప్పు చేశారని వాళ్లకి తెలుసు.. తులసి విషయంలో తప్పు చేసిన వాళ్ళు ఎప్పటికీ బాగుపడరు.. తులసి ఇంటికి వస్తుందా రాదా అన్నది తర్వాత సంగతి.. తులసి ఎక్కడ ఉన్నా బాగుండాలి .. తులసి ఈ ఇంటికి వచ్చేవరకు నీ ముందు ఈ దీపం అలాగే వెలుగుతూ ఉంటుంది అని పరంధామయ్య అంటాడు..
తులసి దగ్గరకు ఆ చిన్ని క్రిష్ణుడు వచ్చి బాధ లో ఉన్నావా అని అడుగుతాడు.. ఆ కృష్ణుడు తులసిని హత్తుకుంటాడు.. తులసి తన మనసులో ఉన్న బాధ ను తలుచుకుని ఏడుస్తుంది.. అప్పటికి ఏడుస్తున్న తులసి కి నీ బాధలన్నీ తీరిపోతాయి.. తధాస్తు అని దీవిస్తాడు.. తులసి సరే అని తల ఊపి నవ్వుతుంది.. ఇదంతా సామ్రాట్ చాటుగా గమనిస్తూ ఉంటాడు.. తులసి అక్కడి నుంచి లేచి ముఖం కడుక్కుని తను నడుచుకుంటూ ప్రేమ్ చెప్పిన ఇంటికి వచ్చింది..
ప్రేమ్ థ్యాంక్ గాడ్ అమ్మ మంచి నిర్ణయం తీసుకుంది అని అంటాడు.. అది మా అమ్మమ్మ గారి ఇల్లు అని సామ్రాట్ తో ప్రేమ్ అంటాడు.. నేను ఇక్కడికి వచ్చానని చెప్పకు అని అంటాడు.. అందరూ కలిసి అమ్మను ఒంటరి చేశారు.. చివరికి మీరు కూడానా అని ప్రేమ్ అంటాడు.. గాయానికి కారణం అయిన నేనే మళ్ళీ కనిపిస్తే ఆ గాయం ఇంకా పెద్దది అవుతుంది ప్రేమ్ అని సామ్రాట్ అంటాడు.. అందరూ అనుకుంటున్నారు మీరు కూడా నిజం చేస్తారా అని ప్రేమ్ అంటాడు.. ఈ సమయంలో మీరు అమ్మకు అండగా నిలబడడమే కరెక్ట్ అని ప్రేమ్ సలహా ఇస్తాడు..
రేపటి ఎపిసోడ్ లో నందు కోపంగా తులసి పేరు ఈ ఇంట్లో వినపడడమే కాదు కనపడకూడదు అంటూ.. ఆ ఇంటికి ఉన్న తులసి నేమ్ బోర్డును తీసి విసిరి కొడతాడు.. నందు కోపం చూసి లాస్య సంతోషిస్తుంది .. మరోవైపు తులసి గారు మీరు జీవితంలో ముందుకు ఎదగాలి అని సామ్రాట్ అంటారు.. ఇప్పుడే ఆట మొదలుపెట్టారు.. ఆటను కొనసాగించాలి అని సామ్రాట్ అంటారు తప్పకుండా అని తులసి మంచి నిర్ణయం తీసుకునేలాగా కనిపిస్తుంది.. ఏం జరుగుతుందో తరువాయి భాగంలో చూద్దాం..
