టాలీవుడ్ చందమామ కాజల్ అగర్వాల్ గుడ్ న్యూస్ చెప్పింది. ఇంతకీ ఆ గుడ్ న్యూస్ మరేంటో కాదు.. ఆమె రీఎంట్రీ గురించే. త్వరలోనే తాను రీఎంట్రీ ఇవ్వబోతున్నట్లు కాజల్ స్వయంగా కన్ఫార్మ్ చేసింది. `ఇండియన్ 2` మూవీతో కాజల్ అగర్వాల్ మళ్ళీ సిల్వర్ స్క్రీన్పై మెరవబోతున్నారు
కమల్హాసన్ హీరోగా శంకర్ దర్శకత్వంలో ఈ చిత్రం తెరకెక్కుతున్న సంగతి తెలిసిందే. ఇందులో కాజల్ అగర్వాల్ హీరోయిన్ కాగా.. లైకా ప్రొడక్షన్స్ నిర్మిస్తోంది. అయితే ఆ సినిమాను ఏ సమయాన స్టార్ట్ చేశారో గాని మొదటి నుంచి కూడా అనేక రకాల అడ్డంకులు వస్తున్నాయి. ఇక సెట్స్ లో ప్రమాదం వల్ల ఇద్దరు టెక్నీషియన్లు మరణించడంతో రెండేళ్లుగా నిలిచిపోయిన ఈ చిత్రాన్ని శంకర్ రీస్టార్ట్ చేయబోతున్నారు.
Kajal Aggarwal: తల్లయ్యాక తొలిసారి అలాంటి పిక్ షేర్ చేసిన కాజల్.. నెట్టింట వైరల్!
అది కూడా ఎప్పుడో కాదు.. సెప్టెంబర్ నుంచే. సెప్టెంబర్ 13 నుండీ ఇండియన్ 2 షూటింగ్ను స్టార్ట్ చేయబోతున్నాడు. ఈ షెడ్యూల్లో తాను జాయిన్ కానున్నానని కాజల్ అగర్వాల్ వెల్లడించింది. దీంతో ఆమె అభిమానులు ఆనందంలో మునిగిపోయారు. కాగా, సౌత్ తో పాటు నార్త్లోనూ నటించి మంచి గుర్తింపు దక్కించుకున్న కాజల్.. 2020లో ప్రియుడు, ముంబైలో సెటిల్ అయిన వ్యాపారవేత్త గౌతమ్ కిచ్లూను వివాహం చేసుకుంది.
పెళ్లి తర్వాత కూడా పలు సినిమాలు చేసిన చందమామ.. గత ఏడాది గర్భం దాల్చడంతో సినిమాలకు బ్రేక్ ఇచ్చింది. ఇక కాజల్, గౌతమ్ దంపతులకు కొన్ని నెలల క్రితం పండంటి మగ బిడ్డ జన్మించాడు. బిడ్డ పుట్టిన తర్వాత ఈమె రీఎంట్రీ కష్టమే అని వార్తలు వచ్చినా.. అవి పుకార్లే అని తాజాగా కాజల్ ఫుల్ క్లారిటీ ఇచ్చింది.