టాలీవుడ్ చందమామ కాజల్ అగర్వాల్ రీఎంట్రీకి సిద్ధమవుతోంది. సౌత్ లో స్టార్ హీరోయిన్ గా సుదీర్ఘకాలం పాటు కెరీర్‌ను ప్రారంభించిన ఈ ముద్దుగుమ్మ.. ముంబైలో స్థిరపడ్డ వ్యాపారవేత్త గౌతమ్ కిచ్లూను ను వివాహం చేసుకుంది. 2020లో వీరి వివాహం అంగరంగ వైభవంగా జరిగింది.
పెళ్లి తర్వాత కూడా కొన్ని సినిమాల్లో నటించిన ఈ బ్యూటీ.. గత ఏడాది గర్భం దాల్చింది. అప్పటినుంచి సినిమాలకు దూరంగా ఉన్న కాజల్.. ఈ ఏడాది ఆరంభంలో పండంటి మగబిడ్డకు జన్మనిచ్చింది. దాదాపు ఏడాది విరామం అనంతరం కాజల్ మళ్లీ ఇప్పుడు `ఇండియన్ 2` మూవీ తో రీ ఎంట్రీ ఇచ్చేందుకు సిద్ధం అవుతోంది.
సీనియర్ స్టార్ కమల్ హాసన్, శంకర్ కాంబినేషన్ లో తెరకెక్కుతున్న చిత్రమిది. అనేక అడ్డంకుల అనంతరం ఇటీవలే ఈ మూవీ షూటింగ్ స్టార్ట్ అయింది. కాజల్ సైతం షూటింగ్ లో పాల్గొంటోంది. ఇక ఈ సినిమా కోసం కాజల్ కేర‌ళ సంప్ర‌దాయ‌పు యుద్ధ కళ కలరిపయట్టు నేర్చుకుంటోంది. తాజాగా ఇందుకు సంబంధించిన ప్రాక్టీస్ వీడియోను ఇన్‌స్టాగ్రామ్ ద్వారా షేర్ చేసింది.
`కలరిపయట్టు అనేది ఒక పురాతన భారతీయ యుద్ధ కళ, దీనిని యుద్ధభూమి కళలలో సాధనగా పనికొస్తుంది. క‌ల‌రియ‌ప‌ట్టు శారీర‌కంగా, మాన‌సికంగా ధృడ‌త్వాన్ని పెంపొందిస్తుంది. ఈ యుద్ధ కళ నుంచే షావోలిన్‌, కుంగ్ ఫూ, క‌రాటే, తైక్వాండో లాంటివి పుట్టుకొచ్చాయి. మూడేళ్లుగా కలరిపయట్టు నేర్చుకుంటున్నాను. కలరిపయట్టు గురువు సీవీఎన్ క‌ల‌రికి కృత‌జ్ఙ‌త‌లు` అంటూ కాజల్ ఈ సంద‌ర్భంగా పేర్కొంది. ఇక ప్రాక్టీస్ వీడియోలో కత్తి తిప్పుతూ కలరిపయట్టు క‌ళ‌తో కాజల్ విశేషంగా ఆక‌ట్టుకుంది.
https://www.instagram.com/reel/Ci43nkuh2Tt/?utm_source=ig_web_copy_link
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!