నంద‌మూరి కళ్యాణ్ రామ్ నుండి రాబోతున్న తాజా చిత్రం `బింబిసార`. ఎన్టీఆర్ ఆర్ట్స్ బ్యానర్‌పై కె. హరికృష్ణ నిర్మించిన ఈ చిత్రంతో శ్రీ వశిష్ఠ్ ద‌ర్శ‌కుడిగా ప‌రిచ‌యం అవుతున్నాడు. ఇందులో కేథ‌రిన్ థ్రెసా, సంయుక్త మీనన్ హీరోయిన్లుగా న‌టించారు. కీరవాణితో పాటు చిరంతన్ భట్ సంగీతం అందిస్తున్నారు.
మగధ రాజ్యాధిపతి అయిన బింబిసారుడు జీవితం ఆధారంగా టైమ్ ట్రావెల్ కాన్సెప్ట్ తో రూపుదిద్దుకున్న ఈ చిత్రం ఆగ‌స్టు 5 అంటే మ‌రి కొన్ని గంట‌ల్లోనే ఈ మూవీ ప్రేక్ష‌కుల ముందు వ‌చ్చేందుకు సిద్ధంగా ఉంది. దాదాపు రూ. 40 కోట్ల బ‌డ్జెట్‌తో నిర్మిత‌మైన ఈ చిత్రానికి తెలుగునాట ఎలాంటి హైప్ క్రియేట్ అయిందో తెలిసిందే.
`బింబిసార`పై ఫ‌స్ట్ రివ్యూ.. కళ్యాణ్ రామ్ హిట్ కొడ‌తాడా..?
అయిన‌ప్ప‌టికీ.. అంత భారీగా అయితే ఈ సినిమాకు బిజినెస్ జ‌ర‌గ‌లేదు. చాలా త‌క్కువ‌గా జ‌రిగింది. ఈ మూవీకి నాన్ థియేట్రికల్ రైట్స్ అన్నీ కలిపి చాలా మొత్తం రికవరీ అయిందట. ఆ కారణంగానే బిజినెస్ రీజనబుల్ రేట్స్ కి ఇచ్చేశార‌ట మేక‌ర్స్‌. ఇక బింబిసారి వ‌ర‌ల్డ్ వైడ్ బిజినెస్ లెక్క‌ల‌ను ఓ సారి గ‌మ‌నిస్తే..
నైజాం – 5 కోట్లు
సీడెడ్ – 2 కోట్లు
ఆంధ్రా – 6.50 కోట్లు
————————–
ఏపీ+తెలంగాణ= 13.50 కోట్లు
————————–
క‌ర్ణాట‌క+రెస్టాఫ్ ఇండియా- 1.1 కోట్లు
ఓవ‌ర్సీస్‌ – 1 కోటి
—————————-
వ‌ర‌ల్డ్ వైడ్ బిజినెస్= 15.60 కోట్లు
—————————-
కాగా, ప్ర‌పంచ‌వ్యాప్తంగా 15.60 కోట్ల ప్రీ రిలీజ్ బిజినెస్ చేసిన ఈ చిత్రం.. రూ. 16.20 కోట్ల బ్రేక్ ఈవెన్ టార్గెట్‌తో బ‌రిలోకి దిగితోంది. ఇది చాలా చిన్న టార్గెట్. పాజిటివ్ టాక్ గ‌నుక వస్తే బాక్స్ ఆఫీస్ దగ్గర కళ్యాణ్ రామ్ అవలీలగా బ్రేక్ ఈవెన్ ని అందుకునే అవకాశం ఉంది.
