`కాంతార`.. ఇటీవ‌ల తెలుగులో విడుదలైన క‌న్న‌డ డ‌బ్బింగ్ మూవీ. యంగ్ స్టార్ రిషబ్ శెట్టి హీరోగా నటించ‌డ‌మే కాకుండా దర్శకత్వం వహించిన ఈ చిత్రాన్ని హోంబాలే ఫిల్మ్స్ బ్యాన‌ర్‌పై నిర్మించారు. ఇందులో సప్తమిగౌడ హీరోయిన్‌గా న‌టిస్తే.. కిషోర్ కుమార్‌, అచ్యుత్‌ కుమార్‌, ప్రమోద్‌శెట్టి తదితరులు కీల‌క పాత్ర‌ల‌ను పోషించారు.
క‌న్న‌డ‌లో సెప్టెంబర్ 30న విడుదలై సంచలన విజయాన్ని నమోదు చేసిన ఈ చిత్రాన్ని.. అక్టోబ్ 15న తెలుగులో డ‌బ్ చేసి రిలీజ్ చేశారు. అయితే ఇక్క‌డ సైతం `కాంతార`కు తొలి ఆట నుంచే హిట్ టాక్ వ‌రించింది. దీంతో ఈ సినిమా బాక్సాఫీస్ వ‌ద్ద అదిరిపోయే వ‌సూళ్ల‌తో దుమ్ము దులిపేస్తోంది. తొలి రోజు బ్రేక్ ఈవెన్ టార్గెట్‌ను రీచ్ అయిన ఈ చిత్రం.. ఇప్పుడు భారీ లాభాల‌తో ముందుకు సాగుతోంది.
విడుదలైన 3వ రోజు ఈ చిత్రం రూ. 1.9 కోట్ల రేంజ్ లో షేర్ ని అందుకుని సూప‌ర్ స్ట‌డీగా వెళ్తోంది. ఇక ఏరియాల వారీగా కాంతార 3 రోజుల క‌లెక్ష‌న్స్‌ను ఓసారి గ‌మ‌నిస్తే..
నిజాం: 2.96 కోట్లు
సీడెడ్: 92 ల‌క్ష‌లు
ఉత్త‌రాంధ్ర: 86 ల‌క్ష‌లు
తూర్పు: 58 ల‌క్ష‌లు
పశ్చిమ: 35 ల‌క్ష‌లు
గుంటూరు: 45 ల‌క్ష‌లు
కృష్ణ: 39 ల‌క్ష‌లు
నెల్లూరు: 29 ల‌క్ష‌లు
———————————-
ఏపీ+తెలంగాణ= 6.80 కోట్లు(13.50 కోట్లు~ గ్రాస్‌)
———————————-
కాగా, రూ. 2 కోట్ల బ్రేక్ ఈవెన్ టార్గెట్‌తో బ‌రిలోకి దిగిన ఈ చిత్రం.. తొలి రోజే టార్గెట్‌ను రీచ్ అయిపోయింది. ఇక మూడో రోజు వ‌చ్చిన వ‌సూళ్ల‌తో ఈ సినిమా రూ. 4.5 కోట్ల ప్రాఫిట్ ను సొంతం చేసుకుని ట్రిపుల్ బ్లాక్ బస్టర్ గా దూసుకుపోతోంది.
