`కాంతార`.. యంగ్ స్టార్ రిషబ్ శెట్టి రచించి, దర్శకత్వం వహించి, నటించిన క‌న్న‌డ చిత్ర‌మిది. హోంబాలే ఫిల్మ్స్ బ్యాన‌ర్‌పై నిర్మిత‌మైన ఈ చిత్రంలో సప్తమిగౌడ, కిషోర్ కుమార్‌, అచ్యుత్‌ కుమార్‌, ప్రమోద్‌శెట్టి తదితరులు కీలక పాత్ర‌ల‌ను పోషించారు. క‌న్న‌డ‌లో సెప్టెంబర్ 30న విడుదలైన ఈ చిత్రం బ్లాక్ బ‌స్ట‌ర్ హిట్‌గా నిలిచింది.
దీంతో ఈ మూవీని అక్టోబర్‌ 15న తెలుగులో డ‌బ్ చేసి రిలీజ్ చేశారు. అయితే ఇక్క‌డ సైతం `కాంతార`కు పాజిటివ్ టాక్ రావ‌డంతో.. ఈ సినిమా బాక్సాఫీస్ వ‌ద్ద వ‌సూళ్ల వ‌ర్షం కురిపిస్తోంది. ఈ డ‌బ్బింగ్ చిత్రం జోరుకు ఎవ‌రూ క‌ళ్లెం వేయ‌లేక‌పోతున్నారు. తొలి రోజు బ్రేక్ ఈవెన్ టార్గెట్‌ను రీచ్ అయిన ఈ చిత్రం.. విడుదలైన 4వ రోజు రూ. 1.45 కోట్ల రేంజ్ లో షేర్ ని అందుకుని సూపర్ స్ట‌డీగా వెళ్తోంది.
అలాగే నాలుగు రోజు వ‌చ్చిన వ‌సూళ్ల‌తో ఈ సినిమా రూ. 5.95 కోట్ల లాభాల‌తో దూసుకుపోతోంది. ఇక ఏరియాల వారీగా కాంతార 4 రోజుల క‌లెక్ష‌న్స్‌ను ఓసారి గ‌మ‌నిస్తే..
నిజాం: 3.60 కోట్లు
సీడెడ్: 1.10 కోట్లు
ఉత్త‌రాంధ్ర: 1.06 ల‌క్ష‌లు
తూర్పు: 70 ల‌క్ష‌లు
పశ్చిమ: 42 ల‌క్ష‌లు
గుంటూరు: 54 ల‌క్ష‌లు
కృష్ణ: 48 ల‌క్ష‌లు
నెల్లూరు: 35 ల‌క్ష‌లు
———————————-
ఏపీ+తెలంగాణ= 8.25 కోట్లు(16.00 కోట్లు~ గ్రాస్‌)
———————————-
