మహానటి సినిమాతో జాతీయ స్థాయిలో గుర్తింపు సంపాదించుకున్న కీర్తి సురేష్.. ఇటీవల విడుద‌లైన `సర్కారు వారి పాట`తో సూపర్ హిట్ ను ఖాతాలో వేసుకున్న సంగతి తెలిసిందే. ప్రస్తుతం ఈ బ్యూటీ న్యాచురల్ స్టార్ నానికి జోడీగా `ద‌స‌రా` అనే సినిమాలో నటిస్తోంది. గోదావరిఖని సింగరేణి బొగ్గు గనుల నేపథ్యంలో మాస్ యాక్షన్ ఎంటర్టైనర్ గా రూపుదిద్దుకుంటున్న ఈ చిత్రానికి శ్రీకాంత్ ఓదెల దర్శకత్వం వహిస్తున్నారు.
ఎఎస్ఎల్‌వి సినిమాస్ బ్యాన‌ర్‌పై సుధాక‌ర్ చెరుకూరి ఈ చిత్రాన్ని పాన్ ఇండియా స్థాయిలో నిర్మిస్తుండ‌గా.. సంతోష్ నారాయ‌ణ్ సంగీతం అందిస్తున్నాడు. దాదాపు షూటింగ్ కంప్లీట్ చేసుకున్న ఈ చిత్రం.. వ‌చ్చే ఏడాది విడుద‌ల కానుంది. అయితే ఇటీవల ఈ సినిమా ఫస్ట్ సింగిల్ ను బయటకు వదిలిన సంగతి తెలిసిందే.
`ధూమ్ ధామ్ దోస్తాన్.. ఇరక మరక చేద్దాం` అంటూ సాగే ఈ సాంగ్ మాస్ ప్రేక్షకులను విశేషంగా ఆకట్టుకుంది. అయితే తాజాగా ఈ సాంగ్ కు కీర్తి సురేష్ వదలు చొక్కా, గళ్ళ లుంగీ ధరించి తన ఫ్రెండ్స్ తో కలిసి ఊరమాస్ స్టెప్పులు వేసింది. ఇందుకు సంబంధించిన వీడియోను కీర్తి సురేష్ స్వయంగా తన ఇంస్టాగ్రామ్ ద్వారా పంచుకుంది.
దీంతో ఈ వీడియో ప్రస్తుతం నెట్టింట తెగ వైరల్ అవుతోంది. ముఖ్యంగా కీర్తి సురేష్ లుక్ పరంగా, డాన్స్ పరంగా నెటిజన్లను విపరీతంగా ఆకట్టుకుంది. మరి లేటెందుకు మీరు కూడా కీర్తి సురేష్ తాజా డాన్స్ వీడియో పై ఓ లుక్కేసేయండి.
https://www.instagram.com/reel/CjsJHH6BlKb/?utm_source=ig_web_copy_link
