Ketika Sharma: ఇటీవ‌ల కాలంలో యంగ్ హీరోయిన్ల హ‌వా బాగా పెరిగిపోయింది. ఈ లిస్ట్‌లో కేతిక శ‌ర్మ ఒక‌రు. ఢిల్లీలో జ‌న్మించిన ఈ బ్యూటీ.. మొడ‌ల్‌గా కెరీర్ స్టార్ట్ చేసి ఆకాశ్ పూరి హీరోగా తెర‌కెక్కిన `రొమాంటిక్‌` మూవీతో టాలీవుడ్‌లోకి ఎంట్రీ ఇచ్చింది. ఆ త‌ర్వాత `లక్ష్య`లో మెరిసింది. ఈ రెండు చిత్రాలు అనుకున్న స్థాయిలో విజయం సాధించ‌లేక‌పోయాయి.
కానీ, కేతిక శ‌ర్మ మాత్రం యూత్‌లో సూపర్ క్రేజ్ ద‌క్కించుకుంది. ప్ర‌స్తుతం ఈ బ్యూటీ మెగా మేన‌ల్లుడు వైష్ణ‌వ్ తేజ్‌కు జోడీగా `రంగ రంగ వైభవంగా` అనే చిత్రంలో న‌టిస్తోంది. గిరీశాయ ద‌ర్శ‌క‌త్వం వ‌హిస్తున్న ఈ చిత్రాన్ని శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బి.వి.ఎస్.ఎన్ ప్రసాద్ నిర్మించారు. ఇప్ప‌టికే షూటింగ్ కంప్లీట్ చేసుకున్న ఈ మూవీ జూలై 1న ప్రేక్ష‌కుల ముందుకు రాబోతోంది.
- Read the latest news from NEWSORBIT
- Follow us on facebook , Twitter , instagram and Googlenews
అయితే ఈ మూవీ ఇంకా రిలీజ్ అవ్వ‌కుండానే కేతిక శ‌ర్మ న‌క్క‌తోక తొక్కి ఏకంగా ప‌వ‌ర్ స్టార్ ప‌వ‌న్ కళ్యాణ్ మూవీతో ఛాన్స్ కొట్టేసింద‌ని అంటున్నారు. పూర్తి వివ‌రాల్లోకి వెళ్తే.. ప్ర‌స్తుతం ప‌న‌వ్ చేతిలో ఉన్న ప్రాజెక్ట్స్‌లో `వినోదాయ సీతాం` రీమేక్ ఒక‌టి. స‌ముద్ర‌ఖ‌ని న‌టిస్తూ స్వీయ ద‌ర్శ‌క‌త్వంలో రూపొందించిన త‌మిళ చిత్ర‌మిది.
2021లో రిలీజ్ అయిన ఈ మూవీ మంచి విజయం సాధించ‌గా.. ఇప్పుడీ దీనిని తెలుగుతో రీమేక్ కాబోతోంది. ఇందులో ప‌వ‌న్ కళ్యాణ్, ఆయ‌న మేన‌ల్లుడు సాయి ధ‌ర‌మ్ తేజ్ క‌లిసి న‌టించ‌బోతున్నారు. అయితే ఈ చిత్రంలో సాయి ధ‌ర‌మ్ తేజ్‌కు జోడీగా కేతిక శ‌ర్మ‌ను ఎంపిక చేశార‌ని తాజాగా ఓ టాక్ బ‌య‌ట‌కు వ‌చ్చింది. మ‌రి ఇది ఎంత వ‌ర‌కు నిజ‌మో త్వ‌ర‌లోనే తెలియ‌నుంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!