కేతిక శ‌ర్మ.. ఈ ముద్దుగుమ్మ గురించి ప‌రిచ‌యాలు అవ‌స‌రం లేదు. దబ్ స్మాష్ వీడియోలు, యూట్యూబ్ వీడియోలతో పాపుల‌ర్ అయిన ఈ ముద్దుగుమ్మ.. పూరి జ‌గ‌న్నాథ్ త‌న‌యుడు ఆకాష్ పూరి హీరోగా తెర‌కెక్కిన `రొమాంటిక్` చిత్రంతో హీరోయిన్‌గా సినీ కెరీర్ ను ప్రారంభించింది.
తొలి మూవీ అయిన‌ప్ప‌టికీ.. రొమాంటిక్ స‌న్నివేశాల‌ను సైతం ఏ మాత్రం రాజీ ప‌డ‌కుండా చేసింది. కానీ, ఈ సినిమా ప్రేక్ష‌కుల‌ను ఆక‌ట్టుకోలేక‌పోయింది. ఆ మూవీ అనంత‌రం నాగ‌శౌర్య స‌ర‌స‌న `లక్ష్య` మూవీలో కేతిక న‌టించింది. అయితే ఈ మూవీ కూడా ఆమెను స‌క్సెస్ ట్రాక్ ఎక్కించ‌లేదు.
ఇక మూడో ప్ర‌య‌త్నంలో ఈ బ్యూటీ `రంగ రంగ వైభవంగా` సినిమాలో న‌టించింది. మెగా మేన‌ల్లుడు వైష్ణ‌వ్ తేజ్ హీరోగా గిరీశాయ దర్శకత్వంలో రూపుదిద్దుకున్న ల‌వ్ ఎంట‌ర్టైన‌ర్ ఇది. శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బి.వి.ఎస్.ఎన్ ప్రసాద్ నిర్మించిన ఈ సినిమా.. సెప్టెంబ‌ర్ 2న విడుదలైంది.
అయితే ఈ చిత్రం ప్రేక్ష‌కుల‌ను ఆట్టుకోవ‌డంలో పూర్తిగా విఫ‌లం అయింది. సినిమా వ‌సూళ్లు కూడా అంతంత మాత్రంగానే ఉన్నాయి. ఈ సినిమా ఫ్లాప్ అవ్వ‌డం ఖాయ‌మ‌ని సినీ విశ్లేష‌కులు అంచ‌నా వేస్తున్నారు. ఈ నేప‌థ్యంలోనే కేతిక శ‌ర్మ హ్యాట్రిక్ ఫ్లాప్‌తో నిరాశ‌లో మునిగిపోయింద‌ట. మ‌రి ఈ అమ్మ‌డు నెక్స్ట్ ఏంటీ..? ఏ ప్రాజెక్ట్‌లో న‌టిస్తుంది..? అన్న‌ది తెలియాల్సి ఉంది.
