Krishna Mukunda Murari: కృష్ణ తీసుకొచ్చిన డ్రెస్సే బాగుందని.. మురారి ని భవాని ఆ డ్రెస్ తీసుకోమని చెబుతుంది. ఇక ముకుందా తను తీసుకొచ్చిన డ్రెస్ అక్కడే నేల మీద పడేస్తుంది. ఇక ఆ విషయం అలేఖ్య తన భర్తకు చెబుతుంది. మేడం మీ వాళ్లంతా బిల్ కట్టేసి వెళ్ళిపోయారు అని చెప్పగానే అలేఖ్య వాళ్ళు షాప్ లోనుంచి బయటకు వస్తారు. అందరినీ భవాని పిలిపించే సంక్రాంతి సంబరాలు బాగా చేసుకోవాలని ఇంట్లో అందరూ ఆ సంబరాల్లో పాల్గొనాలని చెబుతుంది..
కృష్ణ ఇంటికి రాగానే ఆ చీరను కోపంగా విసిరి కొడుతుంది. ఏంటి కృష్ణ ఏమైంది అని మురారి అడుగుతాడు. ఆ ముకుందా ఏంటి నేను ఇష్టపడిన చీరని కావాలని అందరి ముందు చీప్ గా గొడవ చేస్తుంది అని కృష్ణ అడుగుతుంది. ఇప్పుడు చీర కాబట్టి వదిలేస్తే రేపు మీ విషయంలో ఇంకెవరైనా వచ్చి.. నాకంటే ముందు మిమ్మల్ని ఇష్టపడ్డానని మిమ్మల్ని చేసుకుంటాను వదిలేయమంటే వదిలేస్తానా.. వదలను.. ఎప్పటికీ వదలను అని కృష్ణ అంటుంది మురారి తో అంటుంది. కృష్ణ కి నా మీద ముకుందా మీద డౌట్ వచ్చిందని మురారి మనసులో అనుకుంటాడు. ఇక మురారి తిప్పలు పడి ఎలాగోలా కృష్ణని ఆ చీర కట్టుకోవడానికి ఒప్పిస్తాడు.
సంక్రాంతి సంబరాలు సందర్భంగా కృష్ణ మురారి ఇద్దరు కలిసి డాన్స్ వేస్తారు. ఇక మురారి కృష్ణ కళ్ళలోకి సూటిగా చూస్తూ ఓ డ్యూయెట్ సాంగ్ వేస్తాడు. అది చూసి ముకుందా కుళ్ళుకుంటుంది. అందరూ మాత్రం మురారి జంట బాగుందంటూ మెచ్చుకుంటూ వాళ్ళిద్దరూ చుట్టూ తిరుగుతూ డాన్స్ చేస్తారు.
మురారి సుపీరియర్ ఆఫీసర్ పండక్కి వాళ్ళ ఇంటికి వస్తాడు. ఇక కృష్ణ ముకుందా ఇద్దరూ ఒకే కలర్ సారీ కట్టుకొని కిందకి దిగుతుండగా మురారి మధ్యలో నిలబడతాడు . ఆ అమ్మాయి ఎవరు మేడం అని మురారి పక్కన ఉన్న కృష్ణను చూస్తూ ఆ పోలీస్ ఆఫీసర్ భవానిని అడుగుతారు. మురారి భార్య కృష్ణ అని తెలుసుకుంటాడా లేదా అనేది తరువాయి భాగంలో చూడాలి.