Krishna Mukunda Murari: మురారి ఫ్రెష్ అయి రాగానే మీరు తెలివైన వారు అని అనుకుంటే నేను ఒక టెస్టు పెడతాను అని కృష్ణ అంటుంది. అయితే ఆ టెస్ట్ ఏంటో చెప్పమని మురారి కృష్ణను అడుగుతాడు. నేను దువ్వెనను కింద పెడతాను అది దాటాలి.. దాటతారా అని కృష్ణ అంటుంది. కృష్ణ ఆ దువ్వెనను కింద పెట్టినట్టే పెట్టి వెంటనే గోడకు అనేలా విసిరికాళ్ళతో తన్నుతుంది.. గోడకు అని ఉన్న ఆ దువ్వెన చూపిస్తూ ఇప్పుడు దాటండి అని అంటుంది. ఏంటి కృష్ణ ఎలా దాటతాను అని మురారి అంటాడు.
నేను కింద పెడతాను అన్నాను.. కాని ఎక్కడ పెడతానో చెప్పలేదు కదా.. మీరు తెలివైన వారు అయితే దాటండి అని కృష్ణ అంటుంది. ఇది చీటింగ్ అని మురారి అంటాడు .. అయితే మీరు నా చేతిలో ఓడిపోయానని ఒప్పుకోండి అని కృష్ణ అంటుంది. లేదు ఇది చీటింగ్ అని మురారి అక్కడి నుంచి పకక్కి వెళ్తుంటే.. ఏసీబీ సార్ నా చేతిలో ఓడిపోయారు అంటూ కృష్ణ సంబరంగా నవ్వుతుంది..
రేవతి భవాని దగ్గరకు వెళ్తుంది. ఏంటి రేవతి ఈ టైంలో వచ్చావు అని భవాని అడుగుతుంది అక్క మీతో ఒక విషయం గురించి మాట్లాడాలి అని రేవతి అంటుంది. ఎవరి గురించి దేని గురించి అని రేవతి నీ అడుగుతుంది భవాని ఎవరి గురించో కాదక్కా ముకుంద విషయం గురించి నీతో మాట్లాడాలి. మనం ఎంత తొందరగా తొందరపడి ఆదర్శ్ ను ఏంటి తీసుకువస్తే మనకు అంత మంచిది అని రేవతి భవానీతో చెబుతుంది.
కృష్ణ మురారి వాళ్లు తన ఎదురుగా ఉన్న రూంలోనే కలిసి ఉంటున్నారు. తనకి మనసులో బాధ ఉంటుంది కదా అని రేవతి భవానితో చెబుతున్న మాటలను ముకుందా చాటుగా వింటుంది. అప్పుడే ముకుందా మనసులో రేవతి అత్తయ్యకు నా మీద అనుమానం వచ్చిందా అని అనుకుంటుంది. ఇకనుంచి నా మనసులో ఉన్న ప్రేమను ఎవరికీ బయటపడకుండా చాలా జాగ్రత్త పడాలి అని అనుకుంటుంది.
మురారి రెడీ అయ్యా ఆఫీస్ కి వెళ్తుండగా తన కారులో ముకుందా కూర్చుంటుంది. ఏంటి ముకుందా నా కారులో కూర్చున్నావు ఎక్కడికి వెళ్లాలి అని మురారి అడుగుతాడు నేను పోలీస్ స్టేషన్లో కంప్లైంట్ ఇవ్వాలి అని అనగానే మురారి కార్లో నుంచి లేచి బయటకు వస్తాడు ఏమైంది నీకు అని మురారి ముకుందను అడుగుతాడు. నన్ను ప్రేమించిన నా మురారి నా కోసం కాకుండా తన భార్య కోసం నా దగ్గరకు వచ్చాడు అందుకని కంప్లైంట్ ఇవ్వాలి అని అంటుంది.
ఇక రేపటి ఎపిసోడ్ లో రేవతి మురారి అని పిలిచి కృష్ణను సినిమాకు తీసుకెళ్లమని చెబుతుంది. ఆ విషయం తెలుసుకున్న ముకుందా కార్ టైర్లో గాలి తీసేస్తుంది. ఇప్పుడు ఎలాగా అని కృష్ణ దిగాలుగా ఉంటే మురారి బైక్ తీసుకొని వస్తాడు బైక్ పై కూర్చొని గేర్ రైస్ చేయగానే కృష్ణ మురారి మీదకు వెళ్తుంది. టెర్రస్ మీద నుంచి ముకుంద ఈ విషయాలన్నింటినీ గమనిస్తూ ఉంటుంది.