Entertainment News సినిమా

ఆక‌ట్టుకుంటున్న `కృష్ణ వ్రింద విహారి` ట్రైల‌ర్‌.. నాగ‌శౌర్య ఈసారైనా హిట్ కొడ‌తాడా?

Share

టాలీవుడ్ యంగ్ హీరో నాగ‌శౌర్య తాజా చిత్రం `కృష్ణ వ్రింద విహారి`. శంకర్‌ ప్రసాద్‌ మూల్పూరి సమర్పణలో ఐరా క్రియేషన్స్‌ బ్యానర్‌పై ఉషా మూల్పూరి నిర్మించిన ఈ సినిమాకు అనీష్‌ ఆర్‌. కృష్ణ దర్శకత్వం వహించాడు. ఇందులో షిర్లే సెటియా హీరోయిన్‌గా నటిస్తే.. బ్రహ్మాజీ, రాధికా శరత్ కుమార్, వెన్నెల కిషోర్ తదితరులు ముఖ్య పాత్రల‌ను పోషించారు.

ఇప్ప‌టికే షూటింగ్ కంప్లీట్ చేసుకున్న ఈ రొమాంటిక్ ఎంట‌ర్టైన‌ర్ సెప్టెంబ‌ర్ 23న ప్రేక్ష‌కుల ముందుకు రాబోతోంది. ఈ నేప‌థ్యంలోనే ప్ర‌మోష‌న్స్‌ను షురూ చేసిన మేక‌ర్స్.. తాజాగా `కృష్ణ వ్రింద విహారి` ట్రైల‌ర్ ను బ‌య‌ట‌కు వ‌దిలారు. కోమాలో ఉన్న డాక్టర్(వెన్నెల కిషోర్‌) బయటకు రావడం తన జీవితానికి చాలా ముఖ్యమని హీరో చెప్పే డైలాగ్ తో ప్రారంభ‌మైన ట్రైల‌ర్ ఆధ్యంతం ఆక‌ట్టుకుంది.

Krishna Vrinda Vihari Trailer
Krishna Vrinda Vihari Trailer

అయితే ఒక బ్రాహ్మణ కుటుంబానికి చెందిన ఓ అబ్బాయి.. ఉద్యోగం రిత్యా పట్టణానికి వచ్చి, అక్క‌డ ఒక సూపర్ ఫాస్ట్ అమ్మాయిని ప్రేమిస్తాడు. ఆ త‌ర్వాత అతడు ఎలాంటి పరిస్థితులను ఎదుర్కొన్నాడు అన్న‌దే సినిమా క‌థగా ట్రైల‌ర్ బ‌ట్టీ తెలుస్తోంది. ఇందులో సాంప్రదాయ బ్రాహ్మణ కుటుంబంలో జన్మించిన అబ్బాయిగా నాగ శౌర్య, మోడ్రన్ అమ్మాయిగా షిర్లే క‌నిపించ‌బోతున్నారు.

ఇక `ఎఫ్ 2 లో వెంకీ మామ చెప్పింది హండ్రెడ్ పర్సెంట్ కరెక్ట్. ప్రపంచంలో బాధలు అన్నీ వాళ్ళే భరిస్తున్నారని అంటారే? మరి, వాళ్ళను భరిస్తున్న మనల్ని ఏమనాలి?` అంటూ నాగ శౌర్య చెప్పే డైలాగ్ ట్రైల‌ర్ లో హైలైట్‌గా నిలిచింది. విజువ‌ల్స్‌, బ్యాక‌గ్రైండ్ మ్యూజిక్ వంటి అంశాలు కూడా బాగున్నాయి. మొత్తానికి అదిరిపోయిన ట్రైల‌ర్‌.. సినిమాపై మంచి అంచ‌నాల‌ను క్రియేట్ చేసింది. మ‌రి ఆ అంచ‌నాల‌ను నాగ‌శైర్య అందుకుని ఈసారైనా హిట్ కొడ‌తాడేమో చూడాలి.


Share

Related posts

విజ‌య్ దేవ‌ర‌కొండ ఆరాధించే ఏకైక‌ హీరోయిన్ ఎవ‌రో తెలుసా?

kavya N

అమ‌ల ల‌వ్ లెట‌ర్‌

Siva Prasad

ఆసక్తికరమైన పాత్రలో…

Siva Prasad