`ఉప్పెన` వంటి సూపర్ హిట్ మూవీతో గ్రాండ్‌గా టాలీవుడ్‌లోకి అడుగు పెట్టిన అందాల భామ కృతి శెట్టి.. ఆ త‌ర్వాత `శ్యామ్ సింగ‌రాయ్‌`, `బంగార్రాజు` చిత్రాల‌తో డ‌బుల్ హిట్స్‌ను ఖాతాలో వేసుకుంది. అయితే ఆ త‌ర్వాత కూడా అదే జోరును కంటిన్యూ చేయాల‌ని చూసిన కృతి శెట్టికి వ‌రుస ఫ్లాపుల రూపంలో వ‌రుస షాకులు త‌గులుతున్నాయి.
గ‌త నెల‌లో ఈ ముద్దుగుమ్మ `ది వారియ‌ర్‌`తో ప్రేక్ష‌కుల‌ను ప‌ల‌క‌రించింది. టాలీవుడ్ ఎన‌ర్జిటిక్ స్టార్ రామ్ పోతినేని హీరోగా కోలీవుడ్ డైరెక్టర్ ఎన్. లింగుసామి తెర‌కెక్కించిన ఈ చిత్రం జూలై 14న తెలుగు, త‌మిళ భాష‌ల్లో విడుద‌లై.. ప్రేక్ష‌కుల‌ను ఘోరంగా నిరాశ ప‌రిచింది. అలాగే ఈ సినిమాలో కృతి శెట్టి పాత్ర‌కు ఎలాంటి ప్రాధాన్య‌త కూడా ద‌క్క‌లేదు.
ఇక ఈ మూవీ అనంత‌రం కృతి శెట్టి `మాచ‌ర్ల నియోజ‌క‌వ‌ర్గం`తో వ‌చ్చింది. ఇందులో నితిన్ హీరోగా న‌టించాడు. శ్రేష్ట్ మూవీస్ బ్యానర్‌పై సుధాకర్ రెడ్డి, నిఖిత రెడ్డి నిర్మించిన ఈ చిత్రానికి ఎం.ఎస్‌.రాజశేఖర్‌ రెడ్డి దర్శకత్వం వహించాడు. నిన్న గ్రాండ్‌గా రిలీజ్ అయిన ఈ మూవీకి కూడా నెగ‌టివ్ టాక్ వ‌చ్చింది.
దీంతో ఇప్పుడు కృతి శెట్టి త‌న ఆశ‌ల‌న్నీ `ఆ అమ్మాయి గురించి మీకు చెప్పాలి` పైనే పెట్టుకుంది. సుధీర్ బాబు, ఇంద్రగంటి మోహన కృష్ణ కాంబినేష‌న్‌లో రూపుదిద్దుకున్న రొమాంటిక్ ఎంట‌ర్టైన‌ర్ ఇది. ఇప్ప‌టికే షూటింగ్ కంప్లీట్ చేసుకున్న ఈ చిత్రం సెప్టెంబ‌ర్ 16న విడుద‌ల కానుంది. మ‌రి ఈ సినిమాతో అయినా కృతి శెట్టి మళ్లీ స‌క్సెస్ ట్రాక్ ఎక్కుతుందో..లేదో..చూడాలి.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!