దర్శకధీరుడు రాజమౌళి తెరకెక్కించిన `ఆర్ఆర్ఆర్‌` మూవీ తో బిగ్గెస్ట్ బ్లాక్ బస్టర్‌ను ఖాతాలో వేసుకుని పాన్ ఇండియా ఇమేజ్ ను సొంతం చేసుకున్న యంగ్ టైగర్ ఎన్టీఆర్.. తన తదుపరి చిత్రాన్ని కొరటాల శివ తో చేయబోతున్నట్లు ప్రకటించిన సంగతి తెలిసిందే. ఇది ఆయనకు 30వ ప్రాజెక్ట్ కావడంతో.. `ఎన్టీఆర్ 30` వర్కింగ్ టైటిల్ తో ఈ మూవీని అనౌన్స్ చేశారు.
నందమూరి తారకరామారావు ఆర్ట్స్, యువసుధ ఆర్ట్స్ బ్యానర్ పై పాన్ ఇండియా స్థాయిలో భారీ ఎత్తున నిర్మితం కానున్న ఈ చిత్రానికి అనిరుధ్‌ రవిచందర్ సంగీతం అందించనున్నారు. అయితే ఈ సినిమా విషయంలో గత కొద్ది నెలల నుంచి సస్పెన్స్ కొనసాగుతూనే ఉంది. గత ఏడాదే ఏ సినిమాను ప్రకటించినా ఇప్పటి వరకు షూటింగ్ ప్రారంభం కాలేదు.
మరోవైపు ఈ సినిమాలో ఎన్టీఆర్ కు జోడీగా నటించబోయే హీరోయిన్ ఎవరు అన్నది ఇంకా తేలలేదు. ఇప్పటికే జాన్వీ కపూర్, అలియా భట్, కియారా అద్వానీ, దిశా పటాని, సమంత తదితరుల పేర్లు తెరపైకి వచ్చాయి. మొన్నటికిమొన్న రష్మిక లేదా మృణాల్ ఠాగూర్ లలో ఎవరో ఒకరిని ఫైనల్ చేస్తారని ప్ర‌చారం జ‌రిగింది.
అయితే తాజాగా ఈ రేసులో మరో హీరోయిన్ పేరు వచ్చి చేరింది. ఇంతకీ ఆ హీరోయిన్ మరెవరో కాదు కీర్తి సురేష్. ఈ బ్యూటీని తీసుకునే ఆలోచనలో కొరటాల ఉన్నారని తాజాగా ఓ టాక్ బయటకు వచ్చింది. మరి ఫైనల్ గా ఎన్టీఆర్ తో జతకట్ట‌బోయే హీరోయిన్ ఎవరు అన్నదానిపై మ‌రికొద్ది రోజుల్లో స్ప‌ష్ట‌త రానుంది.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!